Конкурс заявак на вытворчасць квадратных відэа на тэму “Быць 20-гадовым: маладыя актывісты”

Праграма Open Media Hub (OMH), якая фінансуецца Еўрапейскім Саюзам, абвяшчае конкурс заявак на падтрымку вытворчасці тэматычнага відэа для сацыяльных сетак “Быць 20-гадовым: маладыя актывісты”.

Спашукальнікам пранануецца зрабіць арыгінальнае 90-секунднае квадратнае відэа для сацсеткавых платформаў (Facebook, Instagram, і г.д.).

Уласны анлайн-курс OMH “Інавацыйны сторытэлінг” дапаможа радай і практычнымі рэкамендацыямі наконт таго, як ствараць квадратныя відэа. Яго можна знайсці тут па-ангельску, па-руску.

Да квадратнага відэа журналісты гэтаксама могуць прыкласці прапанаваную гісторыю ў фармаце HDTV.

Квадратнае відэа “Быць 20-гадовым: маладыя актывісты” мусіць паказаць маладзёна з вашай краіны, які актыўна займаецца дабрачыннай справай, актывізмам, працуе ў арганізацыі грамадзянскай супольнасці і г.д. Мы хочам пачуць пра маладых людзей, якія ахвяруюць сваім часам і высілкамі, каб станоўча паўплываць на жыццё ў вёсках, мястэчках і гарадах, у якіх яны жывуць.

Прыкладныя пытанні, якія вы можаце задаваць героям відэа:

• Якім чынам вы паляпшаеце жыццё?
• Што зматывавала вас пачаць дзейнічаць?
• Якімі былі асноўныя перашкоды на вашым шляху?
• Як гэта паўплывала на вашае жыццё?
• Якім ёсць уплыў вашай дзейнасці ў больш шырокім сэнсе?

Стыль гісторыі мае быць дынамічным, сучасным і пасаваць сацыяльным сеткам.

Конкурс заявак адкрыты для анлайн-, тэлевізійных і радыёжурналістаў, якія ствараюць відэакантэнт для сацсеткавых платформаў у рэгіёне добрасуседства Еўрапейскага саюза: Алжыры, Арменіі, Азербайджане, Беларусі, Егіпце, Грузіі, Іарданіі, Лівіі, Ліване, Малдове, Марока, Палестыне, Сірыі, Тунісе і Украіне.

Акрамя фінансавых сродкаў на вытворчасць, журналісты атрымаюць ментарскую падтрымку ад вядучых медыя-прафесіяналаў, якія дапамогуць спланаваць і стварыць гісторыі ў карэктным фармаце на адпаведным узроўні якасці.

Мэта дадзенага конкурсу заявак – павялічыць інфармаванасць грамадскасці пра развіццё грамадзянскае супольнасці, а таксама дапамагчы журналістам дасягнуць больш шырокіх і разнастайных аўдыторыяў праз фарматы сацыяльных сетак.

Падача заявак і крытэры адбору

Усе заяўнікі мусяць коратка апісаць сваю будучую гісторыю і запоўніць анлайн-форму (па-ангельску,па-руску), пазначыўшы ў ёй усе неабходныя звесткі.

Калі ласка, звярніце ўвагу: Паспяховае сканчэнне анлайн-курсу “Інавацыйны сторытэлінг” (даступны тут) – неабходная ўмова, каб прэтэндаваць на фінансаванне ў межах гэтага конкурсу заявак!

У выпадку абрання для дапамогі, заяўнікі мусяць запоўніць і падпісаць усе неабходныя дакументы, уключаючы заяўнікі пагаджаюцца прадставіць усе неабходныя дакументы, што ўключае кантракт, ліст аб намерах, адмову ад выключных правоў на сюжэт – вынік працы і ацэнку рызыкаў. Шаблоны гэтых дакументаў даступныя для спампавання на http://openmediahub.com/open-calls/application-documents/.

Заяўнікі мусяць прадэманстраваць, што яны належныя чынам упаўнаважаныя пэўнай юрыдычнай асобай вырабіць і апублікаваць сваю відэагісторыю. Пацвярджаючым дакументам у дадзеным выпадку выступае ліст аб намерах, падпісаны ўпаўнаважаным прадстаўніком юрыдычнай асобы. У гэтым лісце мусіць быць пазначаны намер правамоцнага медыя выпусціць у эфір альбо апублікаваць канчатковы прадукт, уключаючы дату (-ы) і кантэкст плануемай трансляцыі альбо публікацыі.

Правамоцнымі заяўнікамі ёсць:

• Навінавыя арганізацыі з дзеючымі анлайн- і сацсеткавымі платформамі (уключаючы газеты, тэлеканалы, радыёстанцыі, анлайн-медыі);
• Журналісцкія арганізацыі (напрыклад, асацыяцыі, фундацыі), калі яны могуць прадэманстраваць абавязальніцтвы што да публікацыі кантэнту з боку якога-небудзь медыя;
• Журналісты, якія дзейнічаюць ад імя/ у інтарэсах якой-небудзь з пазначаных вышэй арганізацый;
• Фрылансеры з лістом аб намерах, што падпісаны дзейным медыя.

Выключэнне: Open Media Hub можа вырашыць (у кожным асобным выпадку), што асобныя журналісты альбо прадусары тэлебачання ёсць правамоцнымі заяўнікамі без афіцыйнай і пацверджанай дакументальна падтрымкі з боку юрыдычнай асобы. Падобным чынам, дарэчныя заяўкі ад блогераў, відэаблогераў і грамадзянскіх журналістаў будуць разгледжаныя – у выпадку, калі яны змогуць прадэманстраваць, што дасягаюць значных аўдыторый праз свае платформы.

Бюджэт

Канчатковы памер фінансавай падтрымкі будзе заўсёды ўлічваць тэму, выданне і краіну і будзе прапарцыянальным тыповым коштам і тарыфам у вашай краіне.

Максімальны памер фінансавай падтрымкі для 90-секунднага квадратнага відэа: 600€; 90-секунднага квадратнага відэа і дадатковай HDTV-версіі, створанай для тэлевізінага альбо анлайн-вяшчання: 1000€.