«Рэпарцёры без межаў» запрашаюць журналістаў на стыпендыяльную праграму ў Берліне

«Рэпарцёры без межаў» прымаюць заяўкі на ўдзел у стыпендыяльнай праграме «Пашырэнне магчымасцяў журналістаў у лічбавым полі», якая пройдзе ў Берліне. Дзесяць журналістаў з крызісных раёнаў будуць запрошаны ў Берлін на чатыры месяцы кожны.

Хто можа падаць заяўку

Прафесійныя журналісты, блогеры, спецыялісты ў галіне медыя і грамадзянскія журналісты, якія:

• падвяргаюцца лічбавым пагрозам з-за сваёй працы ў сваіх родных рэгіёнах;
• хочуць вывучаць і актыўна працаваць з лічбавай бяспекай, каб палепшыць сваю асабістую бяспеку;
• зацікаўлены ў перадачы ведаў, атрыманых падчас стыпендыяльнай праграмы, калегам у іх родных рэгіёнах і, у ідэале, ужо маюць пэўны вопыт выкладання або іншых сфер перадачы ведаў;
• здольныя і жадаюць паўнавартасна ўдзельнічаць у праграме.

Арганізатары чакаюць, што апліканты будуць браць удзел у мерапрыемствах праграмы, уключаючы комплекснае навучанне лічбавай бяспецы. Гэта зойме ад 20 да 25 гадзін у тыдзень з другога па чацвёрты месяц вашага знаходжання ў Берліне.

Патрабаванні

• Кандыдаты павінны добра валодаць ангельскай мовай, на якой будзе праводзіцца ўся стыпендыяльная праграма.
• Кандыдаты павінны мець адпаведны досвед працы ў якасці журналіста (прафесійны журналіст або грамадзянскі журналіст).
• Высокі ўзровень ведаў у галіне лічбавай бяспекі не патрабуецца.
• Заяўнікі павінны паказаць, што яны гатовыя вярнуцца ў родны рэгіён пасля стыпендыі ў Германіі.
• Пажаданы папярэдні досвед выкладання.

Як падаць заяўку

Дашліце запоўненую і падпісаную форму заяўкі, запоўненую анкету, сваё рэзюмэ і дакумент, які пацвярджае вашу асобу (копію пасведчання асобы або пашпарта) у якасці дадаткаў у асобных PDF-дакументах (усяго 4 PDF-файла) праз службу абмену паведамленнямі Signal на нумар +491636743853, або калі ў вас ёсць уліковы запіс ProtonMail на rsf.digitalfreedom@protonmail.com.

Форма заяўкі і анкета ў фармаце PDF, якія трэба запоўніць

Арганізатары звяжуцца толькі з тымі аплікантамі, якія ўвайшлі ў шорт-ліст на месца ў праграме.

Крыніца

Фота на вокладцы: Reporter ohne Grenzen Deutschland / Facebook