Lorenzo Natali Prize прымае рэпартажы на конкурс

Дэдлайн падачы заявак: 28 красавіка 2023 года.

На Прэмію прымаюцца журналісцкія працы ў тэкставым, відэа і мультымедыйным фармаце. Яны павінны быць апублікаваны або транслявацца ў перыяд з 10 сакавіка 2022 года па 9 сакавіка 2023 года. Усе паданыя запісы павінны быць у вольным доступе (не пад paywall) па спасылцы ў інтэрнэце.

Тэмы Прэміі:

• міграцыя;
• мір, дэмакратыя і правы чалавека;
• адукацыя і развіццё навыкаў;
• праца і занятасць;
• ахова здароўя;
• няроўнасць;
• ліквідацыя беднасці;
• устойлівае развіццё;
• навакольнае асяроддзе, біяразнастайнасць, кліматычныя дзеянні;
• digital.

Прызавыя катэгорыі

Журналісты могуць падаць адну працу толькі ў адной катэгорыі:

• Міжнародная прэмія – за рэпартаж, апублікаваны СМІ адной з краін-партнёраў Еўрапейскага саюза.
• Прэмія Еўропы – за рэпартаж, апублікаваны СМІ ў Еўрапейскім Саюзе.
• Прэмія для лепшага журналіста-пачаткоўца – адкрыта для журналістаў ва ўзросце да 30 гадоў і прысуджаецца за рэпартажы, апублікаваныя СМІ ў Еўрапейскім Саюзе або ў адной з яго краін-партнёраў.

Спіс краін можна паглядзець на сайце Прэміі.

Падаць заяўку

Умовы ўдзелу

На Прэмію прымаюцца тэкставыя матэрыялы да 2300 слоў. Калі артыкул большага памеру, можна падаць яго ўрывак памерам да 2300 слоў.

Таксама дапускаецца ўдзел рэпартажаў у фармаце відэа і мультымедыя працягласцю да 30 хвілін. Дапускаецца вытрымка з відэа працягласцю да 30 хвілін.

Калі кандыдаты падаюць на конкурс вытрымку, трэба абавязкова дадаць да яе спасылку на поўны артыкул. У гэтым выпадку ацэнка журы будзе грунтавацца на вытрымках.

Падрабязней пра Прэмію

Заяўкі можна падаваць на англійскай, іспанскай, нямецкай, французскай або партугальскай мовах. Калі запіс не на адной з гэтых моў, неабходна падаць пераклад на адну з гэтых моў разам са спасылкай на арыгінал рэпартажу. Толькі гэты пераклад будзе ацэньвацца.

---