Якіх зменаў хочуць беларусы і як ставяцца да рэформаў? Прэзентацыя даследавання і дыскусія экспертаў

Беларусь працягвае знаходзіцца ў сацыяльна-палітычным і эканамічным крызісе. Вайна Расіі супраць Украіны, рэпрэсіі, прававы дэфолт, агульная нестабільнасць – усё гэта вызначае цяжкае становішча, у якім апынулася беларускае грамадства.

Аднак як успрымаюць сучасную рэчаіснасць звычайныя беларусы, якіх зменаў хочуць, як ставяцца да канцэпцыі рэформаў і чаго баяцца ў межах будучай трансфармацыі?

У межах даследавання Цэнтр новых ідэй правёў серыю глыбінных інтэрв’ю з беларусамі, якія зараз знаходзяцца ўнутры краіны, пра стаўленне да рэформаў. Пасля прэзентацыі адбудзецца экспертная дыскусія па выніках даследавання.

Выступоўцы:

• Антон Раднянкоў, дырэктар ЦНІ;
• Генадзь Коршунаў, старшы даследчык ЦНІ;
• Аляксандр Ганчаронак, кіраўнік праекту «Банк ідэй», даследчык BEROC;
• Анастасія Касцюгова, медыя экспертка, сузаснавальніца Stratcomlab.

Спасылка на трансляцыю ў YouTube

Расклад (па мінскім часе):

13:00 – 13:05 – Уводзіны, Антон Раднянкоў
13:05 – 13:35 – Прэзентацыя даследавання, Генадзь Коршунаў
13:35 – 13:45 – Пытанні журналістаў
13:45 – 14:30 – Экспертная дыскусія па выніках даследавання