Ідзе прыём заявак на прэмію па асвятленні ў медыя тэмы інваліднасці

Дэдлайн падачы заявкак: 1 жніўня 2023 года.

Кэтрын Шнайдэр (Katherine Schneider) – клінічны псіхолаг на пенсіі, якая ад нараджэння не бачыць. Яна заснавала прэмію, каб дапамагчы журналістам палепшыць асвятленне праблем інваліднасці, выходзіць за рамкі «натхняльных» гісторый, якія недакладна адлюстроўваюць жыццё людзей з абмежаванымі фізічнымі магчымасцямі.

«Ёсць так шмат годных гісторый, якія трэба расказаць, і з дапамогай конкурсу NCDJ мы можам прадэманстраваць шмат гісторый з усяго свету і адзначыць тых, хто належным чынам перадае патрэбы, цяжкасці і поспехі», – сказала Шнайдэр.

Хто можа прыняць удзел

У конкурсах могуць прыняць удзел журналісты, якія працуюць у лічбавых, друкаваных, аўдыя- і вяшчальных СМІ. Заяўкі прымаюцца ад аўтараў па-за межамі ЗША, але конкурсныя працы павінны быць на англійскай мове.

Конкурсныя працы павінны быць апублікаваны або паказаны ў эфіры ў перыяд з 1 ліпеня 2022 года па 30 чэрвеня 2023 года.

Аўтары могуць вылучаць сябе на прэмію самастойна.

Удзел бясплатны.

Падаць заяўку

Прафесійны конкурс

У прафесійным конкурсе прымаюцца заяўкі ў катэгорыях для прадстаўнікоў буйных і малых медыя.

Пераможцы ў кожнай з катэгорый атрымаюць грашовыя прызы:

• 1 месца – 2500 долараў і запрашэнне выступіць аб сваёй працы на цырымоніі ўзнагароджання восенню 2023 года ў Школе журналістыкі і масавых камунікацый Уолтэра Кронкайта ASU.
• 2 месца – 1000 долараў;
• 3 месца – 500 долараў.

Студэнцкая прэмія

Студэнцкая прэмія Corcoran прысуджаецца за выдатныя рэпартажы аб інваліднасці і вылучае лепшыя працы маладых журналістаў па тэмах, звязаных з інваліднасцю. У конкурсе могуць прыняць удзел тыя аўтары, якія на момант публікацыя альбо трансляцыі былі залічанымі студэнтам.

Гэта прэмія ўшаноўвае жыццё і дзейнасць Гэры Коркорана, інваліда-вазочніка з 19 гадоў, які працаваў над паляпшэннем даступнасці жылля, грамадскага транспарту, авіяпералётаў і грамадскіх месцаў па ўсім Феніксе.

Узнагароды:

• 1 месца – 2500 долараў;
• 2 месца – 1500 долараў;
• 3 месца – 1000 долараў.

Падрабязней пра ўмовы

Калі ў вас ёсць якія-небудзь пытанні, калі ласка, звяжыцеся з Nicole Macias, nicole.macias@asu.edu.

---