Стакгольмская школа эканомікі ў Рызе (SSE Riga) запрашае прафесіяналаў у галіне медыя на Форум па пераасэнсаванні медыябізнесу (Reinventing Media Business Forum), які пройдзе ў Рызе з 3 па 4 кастрычніка 2023 года. Форум – эксклюзіўнае мерапрыемства для абмену інавацыйнымі бізнес-мадэлямі, стварэння і фарміравання будучыні медыябізнесу.
Дэдлайн рэгістрацыі: 1 верасня 2023 года.
Форум ставіць мэтай аб’яднаць медыябізнес-супольнасць, натхніць і даць новыя прафесійныя веды. Акрамя гэтага, удзельнікам дапамогуць выявіць схаваныя магчымасці і ўстойлівыя бізнес-мадэлі ў свеце медыябізнесу, які пастаянна змяняецца.
Удзельнікі атрымаюць інфармацыю ад міжнародных прафесіяналаў у галіне медыя і наватараў, а таксама даведаюцца пра прарыўныя ідэі і бачанне, паслухаюць натхняльныя гісторыі поспеху і апошнія вынікі даследаванняў. У выніку вы будзеце ў курсе самых актуальных тэм галіны.
Падчас Форуму ў вас будзе магчымасць сустрэцца з прафесіяналамі ў галіне СМІ, журналістыкі, маркетынгу і тэхналогій, магчымымі новымі партнёрамі і кліентамі з усяго свету. Удзельнікі будуць мець выдатныя магчымасці сустрэцца і абмяняцца кантактамі падчас перапынкаў і прыёму ў першы дзень Форуму.
Цэнтр медыядаследаванняў SSE Riga выдзяляе спецыяльную стыпендыю для журналістаў і медыяпрафесіяналаў, якія кіруюць нядаўна створаным незалежным і якасным сродкам масавай інфармацыі, або тым, якое яшчэ не прыносіць прыбытку. Для гэтага неабходна даслаць матывацыйны ліст і матэрыялы (спасылкі, публікацыі і інш.), якія дэманструюць вашу працу. Стыпендыя не ўключае праезд і пражыванне.
Медыйныя арганізацыі з краін Усходняга партнёрства і НДА могуць падаць заяўку на спецыяльны тарыф па кошце 200 еўра + VAT.
Кожны тыдзень атрымлівай на пошту: якасныя магчымасці (гранты, вакансіі, конкурсы, стыпендыі), анонсы івэнтаў (лекцыі, дыскусіі, прэзентацыі, прэс-канферэнцыі) і карысны кантэнт
