Кінафестываль для жанчын-дакументалістак запрашае ўдзельніц

Звычайны дэдлайн падачы заявак: 10 ліпеня 2023 года.
Падоўжаны дэдлайн падачы заявак: 1 жніўня 2023 года.

Міжнародны кінафестываль KIN – гэта месца для абмеркавання праз фільмы праблем гендарнай роўнасці, гвалту, дыскрымінацыі і іншых, звязаных з правамі жанчын і гендарнымі праблемамі.

Фестываль папулярызуе жаночую творчасць і наладжвае нэтворкінг паміж жанчынамі-кінематаграфістамі з розных куткоў свету, каб дапамагчы ім лепей разумець культуру адна адной.

Намінацыі:

• конкурсная праграма кароткаметражных фільмаў: дакументальных, мастацкіх і анімацыйных фільмаў працягласцю да 30 хвілін;
• гасцявая праграма для поўнаметражных і кароткаметражных фільмаў працягласцю больш за 30 хвілін;
• рэтраспектыўныя паказы фільмаў сусветна вядомай рэжысёркі;
• праграма гасцявога кінафестывалю.

Патрабаванні да фільмаў:

• фільм павінен быць зроблены за апошнія тры гады;
• прымаюцца фільмы дакументальныя, мастацкія або анімацыйныя;
• фільмы павінны мець англійскія субтытры, у тым ліку і фільмы на англійскай мове.

Падаць заяўку могуць толькі жанчыны-кінематаграфісткі.

Падаць заяўку

Плата за ўдзел

За ўдзел у кінафестывалі спаганяецца плата ў залежнасці ад даты падачы заяўкі і катэгорыі.

Для кароткаметражных фільмаў, якія падаюцца да звычайнага дэдлайна, аплата складае 18 долараў ЗША для студэнтак і 20 долараў ЗША для астатніх удзельніц.

Для кароткаметражных фільмаў, якія падаюцца да падоўжанага дэдлайна, аплата складае 25 долараў ЗША для студэнтак і 30 долараў ЗША для астатніх удзельніц.

Падрабязней пра ўмовы

Журы абяруць пераможцаў у намінацыях «Лепшы фільм» і «Асаблівая згадка». Удзельніцы кінафестывалю атрымаюць дыпломы.

---