Адкрыты прыём дакументальных фотапраектаў на прэмію ад Fundación MAPFRE

Дэдлайн падачы заявак: 1 верасня 2023 года.

Прэмія KBr Photo Award прысуджаецца раз на два гады. Арганізатары спрыяюць прасоўванню фатографа-пераможцы на нацыянальнай і міжнароднай мастацкай сцэне, развіццю яго ці яе кар’еры, а таксама арганізацыяй двух выстаў і адпаведным каталогам.

Хто можа прыняць удзел

Да ўдзелу ў прэміі прымаюцца працы аўтараў, якія маюць намер стварыць новы фатаграфічны праект або завяршыць ужо пачаты, які раней не публікаваўся і не ўдзельнічаў у падобным конкурсе.
Кандыдаты павінны мець карʼеру, у якой яны мелі хаця б адну персанальную выставу або публікацыю.

Як падаць заяўку

Фатографы павінны прадставіць сваю заяўку праз спецыяльную анлайн-форму.

Да заяўкі трэба дадаць наступныя дакументы:

• ксеракопія сапраўднага нацыянальнага пасведчання асобы, пашпарта або іншага падобнага дакумента асобы, якая ўдзельнічае ў конкурсе;
• CV і дадзеныя заяўніка (электронная пошта, адрас і тэлефон);
• назва і анатацыя праекта, максімальна 100 слоў;
• апісанне праекта і яго мэта ў фармаце PDF;
• ад 10 да 15 фотаздымкаў, якія ілюструюць і апісваюць ваш праект (фармат JPG, памер па меншым баку ад 2000 пікселяў, мінімальная разрознасць 300 dpi);
• рэкамендацыйны ліст ад двух прызнаных прафесіяналаў у галіне фатаграфіі, сучаснага мастацтва, куратарства або выдавецкай справы.

Узнагарода

Пераможца атрымае прэмію ў памеры 25 000 еўра брута, каб цягам 10 месяцаў рэалізаваць свой заяўлены праект. На працягу гэтага перыяду пераможца атрымае парады ад каманды фатаграфіі Fundación MAPFRE.

У дадатак да фінансавай узнагароды Fundación MAPFRE арганізуе выставу ў Espai 2 фотацэнтра KBr у Барселоне ў лютым 2025 года, на якой будуць прадстаўлены вынікі праекта-пераможцы. Праект таксама будзе прадстаўлены ў траўні таго ж года на выставачных пляцоўках Fundación MAPFRE у Мадрыдзе.

Для суправаджэння выставы будзе выпушчаны каталог на адной або некалькіх мовах, выдадзены Fundación або ў супрацоўніцтве з трэцімі асобамі.

Падрабязней пра ўмовы

Прымаючы прыз, пераможца пагаджаецца:

• падпісаць пагадненне, якое перадае Fundación MAPFRE правы на рэпрадукцыю, распаўсюджванне і публічную камунікацыю твораў з праекта каб прасоўваць прэмію, праводзіць выставы і выдаваць каталог;
• не выстаўляць і не публікаваць праект, які створаны ў межах прэміі, да таго, як ён будзе прадстаўлены на выставе і ў публікацыях арганізатараў;
• ахвяраваць як мінімум 10 работ з праекта ў Fundación MAPFRE;
• спасылацца на падтрымку Fundación MAPFRE на сваіх будучых выставах і каталогах на працягу наступных 5 гадоў.

---