Belarus Podcast Hub аб’яўляе набор на афлайн-курс для стваральнікаў і стваральніц падкастаў з досведам працы ў журналістыцы.
Дэдлайн: 1 верасня 2023 года
Чатырохдзённы трэнінг пройдзе 24-29 верасня ў Вільні і ахопіць як тэорыю, так і практыку стварэння падкастаў.
У межах заняткаў вы даведаецеся пра сучасны стан падкастынгу ў свеце і асаблівасці стварэння падкастаў на нацыянальнай мове, прапрацуеце гісторыі для ўласных наратыўных падкастаў і даведаецеся пра стратэгіі манетызацыі.
Сваім досведам у стварэнні наратыўных падкастаў падзеліцца каманда журналістаў літоўскай медыяініцыятывы NARA, гэта медыяпраект, які займаецца сацыяльнай лонгрыд-журналістыкай. Больш падрабязна пра NARA можна пачытаць у інтэрв’ю з Індрэ Кіршайтэ для Belarus Podcast Hub. Пасля курсу вы будзеце мець драфт уласнай наратыўнай гісторыі і план па пераўтварэнню яе ў падкаст, а таксама магчымасць да 5 снежня 2023 года стварыць 2-3 эпізоды ўласнага падкаста пры фінансавай і тэхнічнай падтрымцы Belarus Podcast Hub.
Мова трэнінгу – ангельская, пры неабходнасці будзе арганізаваны пераклад. Удзельнікам і ўдзельніцам неабходна таксама мець пры сабе лэптоп і навушнікі.
Удзел у курсе бясплатны. Арганізатары аплочваюць транспарт, пражыванне ў гатэлі, харчаванне. Звярніце ўвагу: магчымасці аказаць візавую падтрымку няма, але калі яна вам патрэбная, пішыце арганізатарам.
Кожны тыдзень атрымлівай на пошту: якасныя магчымасці (гранты, вакансіі, конкурсы, стыпендыі), анонсы івэнтаў (лекцыі, дыскусіі, прэзентацыі, прэс-канферэнцыі) і карысны кантэнт
