Sulzberger Executive Leadership Program запрашае кіраўнікоў інфармацыйных арганізацый і перспектыўных медыя-стартапаў. Праграмма дапаможа кіраваць інавацыямі і вырашаць стратэгічныя бізнес-задачы ў часы хуткай трансфармацыі, нявызначанасці і магчымасцей. Гэтую праграму таксама падтрымлівае Google News Initiative, якая спансіруе стыпендыі для чатырох лідэраў навінавых арганізацый.
Выява: Unsplash / Colton Duke
Дэдлайн падачы заявак: 15 кастрычніка 2023 года.
Праграма прызначана для старэйшых і новых спецыялістаў у рэдакцыях і навінах. Стыпендыяты звычайна паходзяць з самых розных інфармацыйных арганізацый з ЗША і за мяжой. Праграма заклікае арганізацыі, зацікаўленыя ў развіцці міждысцыплінарнага супрацоўніцтва, разгледзець магчымасць накіравання каманды. І заахвочвае вылучэнне новых лідэраў з груп, якія недастаткова прадстаўлены ў журналістыцы.
Стыпендыяты выкарыстоўваюць 21-тыднёвую праграму для запуску, паскарэння і рэалізацыі рэальнага праекта, які мае вырашальнае значэнне для місіі іх арганізацый і інтэграваны ў іх паўсядзённую працу.
Стыпендыя ўключае ў сябе кошт навучання і аплату праезду.
Праграма пачынаецца з інтэнсіўнага занятку ў школе журналістыкі Калумбійскага універсітэта з 2 па 12 студзеня 2024 г.
Затым стыпендыяты вяртаюцца ў свае арганізацыі, каб неадкладна рэалізаваць тое, чаму яны навучыліся, і атрымліваюць падтрымку ў рамках штотыднёвых анлайн-сустрэч групы і індывідуальнага навучання.
Праграма завяршаецца ў Калумбійскім універсітэце апошнім тыднёвым інтэнсіўным заняткам, які ўключае фінальныя прэзентацыі праектаў. Пройдзе з 20 па 24 мая 2024 года.
Заўвага. Афлайн-заняткі будуць праводзіцца ў адпаведнасці з рэкамендацыямі, правіламі і пратаколамі Covid-19, якія патрабуюцца Нью-Ёркам і Калумбійскім універсітэтам. Калі якая-небудзь з гэтых мер грамадскай аховы здароўя перашкодзіць афлайн-навучанню, заняткі будуць праводзіцца анлайн.
Праграма Sulzberger выкарыстоўвае актывы Калумбійскага ўніверсітэта, запрашае выкладчыкаў з Калумбійскай школы журналістыкі і бізнес-школ, прыцягваючы наватараў галіны, якія працуюць у адной з найбуйнейшых сусветных медыя-сталіц, задзейнічаюць Калумбійскую школу журналістыкі і сеткі выпускнікоў Sulzberger. Гэта супольнасць дае стыпендыятам Sulzberger Fellows шырокую перспектыву і магутны нетворк.
Перакладзена на беларускую мову Прэс-клубам Беларусь
Кожны тыдзень атрымлівай на пошту: якасныя магчымасці (гранты, вакансіі, конкурсы, стыпендыі), анонсы івэнтаў (лекцыі, дыскусіі, прэзентацыі, прэс-канферэнцыі) і карысны кантэнт
