З Калядамі і Новым годам!

Ілюстрацыя: Прэс-клуб

Сябры!

На парозе святы, якія мы сустракаем кожны па-свойму, са сваімі надзеямі і са сваім смуткам. Так хочацца, каб як у дзяцінстве: раз – і цуд адбыўся! Але само нічога не робіцца, а гэтая казка пакуль не мае канца, даводзіцца кожны год яе дапісваць, імкнучыся да радаснага і шчаслівага выніку.

Гэтым годам мы шмат працавалі, каб утрымацца ў прафесіі, каб дагрукацца да аўдыторыі, каб стварыць новыя праекты, каб працягваць радавацца жыццю, каб дапамагаць – незнаёмым, калегам, сябрам, родным. І галоўнае – каб па-ранейшаму верыць адно аднаму, быць салідарнымі, быць беларусамі.

Мы хочам падзякаваць кожнай і кожнаму з вас за гэты год. І разам з вамі спадзяемся, што 2024-ты прынясе нам тое, чаго мы чакаем і для чаго мы працуем. І мы верым, што цуд прыйдзе, бо мы  робім яго самі, і для сябе, і для іншых. З Калядамі і Новым годам!

Ваш Прэс-клуб Беларусь