Праграма навучання студэнтаў Canon прымае заяўкі

Ілюстрацыя: Jacek Dylag/Unsplash

Дэдлайн падачы заяўкі: 7 сакавіка 2024 года

Праграма навучання для студэнтаў пройдзе ў верасні і будзе ўключаць анлайн-выступы, вебінары і віртуальны разбор партфоліа дасведчанымі фатографамі.

• Да 100 студэнтаў прымуць удзел у трох анлайн-сесіях з прафесійным настаўнікам.
• 25 студэнтаў будуць запрошаны на прэстыжны 4-дзённы семінар у Жыроне, Іспанія, дзе пройдуць практычныя заняткі, партфоліё-рэвю і лекцыі ад лепшых фатографаў, відэаграфаў і рэдактараў. Пасля семінара ў студэнтаў будзе магчымасць наведаць Visa pour l’Image, міжнародны фестываль фотажурналістыкі ў Перпіньяне, Францыя.
• 3 лепшых студэнта атрымаюць грант у памеры 2 тысячы еўра і камплект Canon для стварэння ўласнага праекта.

Каб стаць удзельнікам, вам павінна быць не менш за 18 гадоў на 7 сакавіка 2024 года і вы павінны быць студэнтам, стажорам або скончыць курс у 2023-24 навучальным годзе.

Для заяўкі трэба прадставіць лічбавыя партфоліа з адной – дзвюма гісторыямі, якія ўключаюць да 20 фатаграфій, якія суправаджаюцца апісаннем.

Падаць заяўку

Перакладзена на беларускую мову Прэс-клубам Беларусь