Kurt Schork Awards 2024 чакае заяўкі

Ілюстрацыя з сайта ksmfund.org

Дэдлайн падачы заяўкі: 31 траўня 2024 года

Узнагароды ўручаюцца за выдатныя дасягненні і смеласць у асвятленні канфліктаў, карупцыі, несправядлівасці і праблем правоў чалавека. Прэмія для прафесіяналаў СМІ, рэпарцёраў друкаваных і анлайн-выданняў.

Усяго ўручаецца тры катэгорыі ўзнагарод:

• Прэмія пазаштатных журналістаў: прызнанне журналістаў-фрылансераў, якія падарожнічаюць у зоны сусветных канфліктаў з вялікай асабістай рызыкай.
• Прэмія мясцовага рэпарцёра: прызнанне часта ігнаруемай працы журналістаў, якія працуюць у складаных абставінах і пішуць пра падзеі на сваёй радзіме.
• Прэмія News Fixer Award: прызнанне працы мясцовых журналістаў ці экспертаў, звычайна нанятых замежнымі карэспандэнтамі, чые рэкамендацыі і мясцовыя веды граюць жыццёва важную ролю ў забеспячэнні міжнароднага асвятлення падзей з цяжкіх, небяспечных ці варожых месцаў.

Удзельнікі прэмій Local Reporter і Freelance Awards павінны прадаставіць па тры артыкулы, апублікаваныя ў перыяд з 1 чэрвеня 2023 года па 31 траўня 2024 года. Суддзі будуць звяртаць увагу на журналісцкае майстэрства, а таксама на доказы рашучасці і смеласці пры падрыхтоўцы матэрыялаў.

Прэтэндэнты на прэмію News Fixer Award павінны прадаставіць тры рэкамендацыі ад замежных карэспандэнтаў, з якімі яны працавалі. Аценьваецца ўменне выдатна шукаць навіны, прапаноўваць сюжэтныя лініі і забяспечваць лагістычную падтрымку.

Падаць заяўку