Моладзевы відэафестываль PLURAL+ – гэта сумесная ініцыятыва Альянсу цывілізацый ААН і Міжнароднай арганізацыі па міграцыі. Фестываль запрашае маладых людзей з усяго свету прадставіць арыгінальныя і крэатыўныя відэаролікі на тэмы міграцыі, разнастайнасці і сацыяльнай інтэграцыі.
Дэдлайн падачы заявак: 31 мая 2024 года
Прымаюцца відэаролікі працягласцю не больш за пяць хвілін з субтытрамі на англійскай мове, якія былі зроблены пасля 1 студзеня 2021 года.
Конкурс праводзіцца ў трох узроставых катэгорыях, а спецыяльныя ўзнагароды прысуджаюцца ў намінацыях «Прадухіленне ксенафобіі і дыскрымінацыі» і «Дзеянні, якія павышаюць інклюзіўнасць у сферы кліматычнай міграцыі».
Пераможцы атрымаюць аплачаную паездку на фестываль PLURAL+ 2024 і ўдзел у цырымоніі ўзнагароджання (месца правядзення будзе абвешчана пазней).
Кожны тыдзень атрымлівай на пошту: якасныя магчымасці (гранты, вакансіі, конкурсы, стыпендыі), анонсы івэнтаў (лекцыі, дыскусіі, прэзентацыі, прэс-канферэнцыі) і карысны кантэнт
