Арганізатар канферэнцыі (Trust Conference): Thomson Reuters Foundation. Да ўдзелу запрашаюць выдаўцоў, журналістаў, навукоўцаў і тых, каго цікавіць тэма даверу да медыя.
Калі: 22 — 23 кастрычніка 2024 года
Дзе: Лондан, канферэнц-цэнтр каралевы Лізаветы II
Першы дзень прысвечаны вывучэнню праблемаў глабальнай дэмакратыі па меры таго, як штучны інтэлект усё больш інтэгруецца ў наш лічбавы ландшафт. Як прафесіяналы СМІ і рэдакцыі могуць забяспечыць захаванне асноўных каштоўнасцяў якаснай журналістыкі? Таксама будзе размова пра праблемы, з якімі сутыкаюцца СМІ ў выгнанні. Арганізатары прапануюць азнаёміцца з інавацыйнымі стратэгіямі супрацьдзеяння юрыдычным атакам на тых, хто абараняе свабоду СМІ.
На другі дзень увага засяродзіцца на ўплыве штучнага інтэлекту на грамадства і на той ролі, якую адказны бізнэс можа граць ва ўмовах глабальных пераўтварэнняў. Чакаецца абмеркаванне міжнародных рамак кіравання ШІ, этычных праблем інтэграцыі ШІ ў карпаратыўны сектар. Як ШІ трансфармуе прафесію юрыста, і ці дэмакратызуе ўкараненне штучнага інтэлекту доступ да закона або гэта стварае новыя бар’еры?
Будуць прадстаўленыя апошнія дадзеныя вядучай ініцыятывы па добраахвотным карпаратыўным раскрыцці інфармацыі Thomson Reuters Foundation, якая прадстаўляе інтарэсы больш за 10 мільёнаў працаўнікоў, і плануецца абмеркаваць будучыню ESG (Environmental, Social, Governance) і адказнага бізнэсу.
Білеты бясплатныя, але іх няшмат, а рэгістрацыя патрэбная. Вам неабходна будзе самім арганізаваць транспарт і пражыванне падчас удзелу ў канферэнцыі.
Па любых пытаннях звяртайцеся: Foundation@thomsonreuters.com.
Перакладзена на беларускую мову Прэс-клубам Беларусь
Кожны тыдзень атрымлівай на пошту: якасныя магчымасці (гранты, вакансіі, конкурсы, стыпендыі), анонсы івэнтаў (лекцыі, дыскусіі, прэзентацыі, прэс-канферэнцыі) і карысны кантэнт
