Стыпендыі Elevate для супрацоўнікаў/супрацоўніц медыя

Дэдлайн заявак: 4 кастрычніка 2024 года

Мэта праграмы: ўмацаваць бізнес-скілы журналістыкі шляхам прыцягнення і прасоўвання прадстаўнікоў гістарычна мала прадстаўленых груп насельніцтва.

Ліквідацыя перашкод для справядлівага ўключэння ў навучанне і развіццё індустрыі навін можа разбіць шкляную столь для прафесіяналаў з недастаткова прадстаўленых груп, што перашкаджае інавацыям і будучыні СМІ. Арганізатары лічаць, што галіна выйграе ад прыцягнення шэрагу пунктаў гледжання, якія прадстаўляюць розныя супольнасці, з рознымі этнічнымі каранямі, гендарам, узростам, сэксуальнай арыентацыяй, абмежаванымі магчымасцямі і г.д.

Каб прыняць удзел у стыпендыі Elevate, вам  трэба:

• быць часткай недастаткова прадстаўленай групы ў вашай краіне;
• прымаць актыўны ўдзел або імкнуцца быць неад’емнай часткай бізнесу інфармацыйных СМІ;
• працаваць у навінавым медыя;
• займаць топ-пасаду;
• працаваць у сферы СМІ менш за 15 гадоў;
• мець да 45 гадоў;
• жадаць стаць топ-мэнэджэрам у вашай кампаніі.

Стыпендыі дадуць удзельнікам і ўдзельніцам магчымасць пазнаёміцца ​​з галоўнымі аспектамі навінавай індустрыі, наладзіць кантакты і папрацаваць з ментарамі. Стыпендыяты атрымаюць бясплатны доступ да трох майстар-класаў INMA.

Тут дэталі  і форма заяўкі

Перакладзена Прэс-клубам Беларусь

---