Школа журналістыкі Калумбійскага ўніверсітэта прапануе стыпендыяльную праграму Sulzberger Executive Leadership Program на 2025 год. Праграму падтрымлівае Google News Initiative, якая спансіруе стыпендыі для чатырох лідараў навінавых арганізацый.
Дэдлайн заявак: 13 кастрычніка 2024 года
Пра што: як уводзіць інавацыі і вырашаць стратэгічныя праблемы ў галіне бізнесу ў часы імклівых перамен, нявызначанасці і новых магчымасцяў.
Стыпендыяты разлічанай на пяць месяцаў праграмы правядуць тры тыдні ў Школе журналістыкі Калумбійскага ўніверсітэта ў Нью-Ёрку. Спачатку будзе дзесяцідзённая стажыроўка, з 6 па 17 студзеня 2025 года. Потым стыпендыяты вернуцца ў свае медыяарганізацыі, дзе будуць працаваць над сваімі праектамі, штотыдзень наведваючы анлайн-сустрэчы. А пасля вернуцца ва ўніверсітэт на фінальную частку праекта, якая пройдзе з 19 па 23 мая 2025 года.
Стыпендыя ўключае ў сябе кошт навучання і аплату праезду.
Перакладзена на беларускую Прэс-клубам
Кожны тыдзень атрымлівай на пошту: якасныя магчымасці (гранты, вакансіі, конкурсы, стыпендыі), анонсы івэнтаў (лекцыі, дыскусіі, прэзентацыі, прэс-канферэнцыі) і карысны кантэнт
