Кіраўнік SMM-кірунку ў «Зеркало»

Ілюстрацыя: Toa Heftib/Unsplash

У кандыдата павінен быць вопыт працы ў журналістыцы не менш за 3 гады (вопыт у SMM будзе перавагай), вопыт кіравання камандай або праектам у медыя, разуменне прынцыпаў дыстрыбуцыі кантэнту на розных платформах, навыкі стратэгічнага планавання, жаданне працаваць з вялікім аб’ёмам дадзеных. Вітаецца гатоўнасць да эксперыментаў і камунікацыйныя навыкі. Абавязковым патрабаваннем з’яўляецца разуменне беларускага медыярынку.

Што трэба рабіць: 

• Паляпшаць існуючыя механізмы дыстрыбуцыі кантэнту і знаходзіць новыя спосабы яго дастаўкі аўдыторыі;
• Развіваць прысутнасць «Зеркало» на ключавых платформах — Telegram, Instagram, TikTok (мае ўласнага кіраўніка, задачы абмяжоўваюцца супервізіяй) — і тэставаць новыя пляцоўкі;
• Аналізаваць эфектыўнасць SMM-стратэгіі, укараняць новыя падыходы, сачыць за трэндамі;
• Узаемадзейнічаць з рэдакцыяй для аператыўнага распаўсюджвання кантэнту.

Рэдакцыя прапануе белую зарплату, магчымасць працаваць з найбуйнейшай аўдыторыяй у беларускім медыяполі, уплыў на стратэгію і развіццё лічбавых платформ, падтрымку ў рэалізацыі ідэй.

Калі вас зацікавіла вакансія — дасылайце лісты на editors@zerkalo.io з тэмай «Кіраўнік smm-кірунку». Акрамя рэзюмэ, раскажыце ў лісце пра сябе і чаму вы хочаце працаваць у рэдакцыі «Зеркало».

Крыніца: БАЖ