Часовы прытулак для журналістаў у Лейпцыгу

Праграма доўжыцца ад 3 да 6 месяцаў і ўключае пражыванне ў Лейпцыгу, штомесячную стыпендыю і пакрывае выдаткі на візу, медыцынскую страхоўку і навучанне лічбавай бяспекі. Таксама можа пакрываць выдаткі на праезд, псіхалагічнае кансультаванне і прафесійныя трэнінгі.

Журналісты атрымліваюць магчымасць адпачыць і аднавіць сілы ў бяспечным і адасобленым месцы, а таксама прадоўжыць сваю журналісцкую працу ў зручным для іх тэмпе і выкарыстоўваць час у Лейпцыгу для наладжвання сувязей і пошуку падтрымкі.

Крытэрыі адпаведнасці
Для ўдзелу ў праграме JiR  неабходна:

• Быць законным рэзідэнтам дзяржавы-члена Еўрапейскага Саюза або краіны-кандыдата, дзяржавы-члена Савета Еўропы або рэзідэнтам Беларусі ці Расіі.
• Мець сапраўдны пашпарт
• Падаць не менш за дзве рэкамендацыі ад аўтарытэтных арганізацый па правах чалавека ці СМІ, якія пацвярджаюць не менш за 3 гады журналісцкай працы і сітуацыі пагроз, з якімі яны сутыкнуліся ў выніку сваёй журналісцкай дзейнасці.
• Мець пацверджаныя веды ангельскай, нямецкай ці рускай мовы (не ніжэй за ўзровень А2)

ПАДРАБЯЗНАСЦІ