Менеджэры беларускіх недзяржаўных медыя змогуць развіць свае веды і ўменні ў сферы стратэгічнага кіравання, стварэння і прасоўвання крэатыўнага кантэнту, арганізацыі працы рэдакцыі, вэб-аналітыкі і SEO, прапрацаваць розныя стратэгіі ўмацавання фінансавай устойлівасці рэдакцыі.
Дэдлайн заявак: да 1 верасня.
Вітаюцца заяўкі ад менеджэраў недзяржаўных беларускіх медыя (выдаўцы, галоўныя рэдактары, намеснікі галоўных рэдактароў, кіраўнікі аддзелаў і іншыя менеджэры, якія маюць у сваім падпарадкаванні іншых супрацоўнікаў).
Заяўкі ад журналістаў, студэнтаў і іншых асоб, якія не займаюць на момант падачы заяўкі кіруючых пасадаў, разглядацца не будуць.
Заняткі ў Школе арганізаваныя ў фармаце «змешанага навучання»: акрамя трох трохдзённых стацыянарных трэнінгаў будуць дыстанцыйныя заданні, кансультацыйная падтрымка па распрацоўцы ўласных праектаў.
Заняткі ў гэтым годзе пройдуць у Гродна і ваколіцах горада.
У выпадку неспрыяльнай эпідэміялагічнай сітуацыі заняткі Школы будуць пераведзены ў фармат анлайн.
Расклад заняткаў, трэнерскі састаў і падрабязнасці можна паглядзець па спасылцы.
Дадатковую інфармацыю аб школе можна запытаць таксама па адрасе mediamanagenentbelarus@gmail.com
Арганізатары Школы:
Некамерцыйная ўстанова «Цэнтр дадатковай адукацыі дарослых «Студыя карысных кампетэнцый» (Гродна), грамадскае аб’яднанне «Цэнтр «Трэці сектар» (Гродна), а таксама Deutsche Welle Akademie (Германія).
Кожны тыдзень атрымлівай на пошту: якасныя магчымасці (гранты, вакансіі, конкурсы, стыпендыі), анонсы івэнтаў (лекцыі, дыскусіі, прэзентацыі, прэс-канферэнцыі) і карысны кантэнт
