Адкрытая лятучка з радыё Wargaming.FM

У панядзелак, 23 красавіка, 19:00 запрашаем на адкрытую лятучку з рэдакцыяй Wargaming.FM. 

Wargaming.FM — гэта першае прафесійнае радыё на гульнявую тэматыку, заснаванае вытворцамі анлайн-гульні World of Tanks.

Каманда радыё распавядзе пра сваю ўнутраную кухню, цікавыя кейсы з практыкі і любоў да «Танкаў». Падзеліцца інсайтамі, як зрабіць цікавае вяшчанне для аматараў гульні ў розных краінах і адкажа на пытанне, хто можа стаць вядучым Wargaming.FM. Пра гэта і шмат іншага — на сустрэчы ў Прэс-клубе.

Спікеры:

• Глеб Марозаў, кіраўнік Wargaming.FM
• Тамара Лісіцкая, праграмны дырэктар Wargaming.FM

Падзея будзе цікавая тым, хто працуе ў медыя, студэнтам, аматарам World of Tanks і іншых гульняў, а таксама ўсім, хто цікавіцца СМІ. У вас будзе магчымасць задаць рэдакцыі свае пытанні.

Уваход вольны пры ўмове рэгістрацыі. Цісніце чырвоную кнопку і дадавайце падзею ў гугл-каляндар.