Global Investigative Journalism Network запрашае журналістаў з усяго свету прыняць удзел у бясплатным анлайн-курсе па расследаванні кібератак і лічбавых маніпуляцый. Кандыдаты павінны добра разумець і чытаць па-ангельску.
Дэдлайн падачы заявак: 27 сакавіка 2023 года.
Курс будзе карысны тым, хто хоча навучыцца праводзіць расследаванні ў лічбавым асяроддзі, выкрываць кібератакі, дэзынфармацыю, тролінг, выяўляць шкоднае праграмнае забеспячэнне, шпіёнскія праграмы і іншыя формы лічбавага падману і маніпуляцыі ў сетцы.
GIJN супрацоўнічае з вядомым журналістам Крэйгам Сільверманам (Craig Silverman) і групай перадавых трэнераў. Удзельнікам курса прапануюць унікальную праграму навучання кіберрасследаванням, якая спецыяльна распрацавана для журналістаў-расследавальнікаў і іншых асоб, якія займаюцца назіральнай журналістыкай.
Курс будзе складацца з практычных анлайн-занятак з некаторымі з вядучых сусветных трэнераў па журналісцкіх расследаваннях.
Курс будзе адбывацца кожны панядзелак і чацвер на працягу шасці тыдняў запар у 10 раніцы EDT (16:00 СЕТ), пачынаючы з 8 траўня 2023 года. Тут можна паглядзець, колькі цяпер гадзін у вашай краіне.
На курс прымуць 20 чалавек. Прыярытэт будзе аддавацца журналістам, якія могуць прадэманстраваць перспектывы або досвед у расследаванні дэзынфармацыі, шпіёнскіх праграм або тролінгу.
Адбор будзе грунтавацца на якасці заяўкі, краіне пражывання журналіста і ўзроўню прадстаўленай працы.
Удзельнікі курсу павінны прыняць удзел ва ўсіх сесіях праграмы ў поўным аб’ёме. Яны распрацуюць гісторыю або праект і прадставяць яго ў канцы курса. Навучэнне складае каля 6 гадзін у тыдзень.
Калі ў вас ёсць якія-небудзь пытанні, калі ласка, адпраўце ліст на адрас cyber.training@gijn.org.
Арганізатары будуць звязвацца толькі з кандыдатамі, якія былі адабраны для навучання на курсе.
Кожны тыдзень атрымлівай на пошту: якасныя магчымасці (гранты, вакансіі, конкурсы, стыпендыі), анонсы івэнтаў (лекцыі, дыскусіі, прэзентацыі, прэс-канферэнцыі) і карысны кантэнт
