Львоўскі медыяфорум запусціў сайт для замежных журналістаў

Ілюстрацыя: lvivmediaforum.com

На сайце Reporting Ukraine Guide можна знайсці правераныя надзейныя крыніцы і неабходную для працы інфармацыю. Платформа на англійскай мове, але ў будучыні могуць быць даступныя і іншыя моўныя версіі. Калегі з Медіамейкер падказалі, якую інфармацыю там можна знайсці.

Што ёсць на сайце:

• факты пра Украіну і яе гісторыю;
• спіс англамоўных кніг па гісторыі Украіны;
• падборка навучальных курсаў і відэа;
• кантакты экспертаў, дзяржаўных службаў і іншых правераных крыніц інфармацыі;
• парады, як знайсці фіксара або перакладчыка;
• падборка правераных СМІ, якія пішуць пра Украіну;
• кіраўніцтва па акрэдытацыі для работы ў прыфрантавых раёнах;
• тлумачэнне законаў і абмежаванняў;
• інструкцыі па тэхніцы бяспекі і неабходнае абсталяванне;
• звесткі аб паслугах, якімі можа скарыстацца журналіст падчас паездкі ці падрыхтоўкі да яе;
• інфармацыя аб доступе да мабільнай сувязі і інтэрнэту, неабходныя аплікацыі.

Отар Даўжэнка, аналітык Львоўскага медыяфоруму:

— Ва Украіне шмат арганізацый і ініцыятыў, якія працуюць над тым, каб зрабіць Украіну больш прыкметнай у свеце. Але дагэтуль не было рэсурсу, на якім была б сабрана ўся самая неабходная інфармацыя для замежных журналістаў. Мы зыходзім з таго, што наш чытач — заклапочаны рэпарцёр, які ліхаманкава шукае фіксара або адрас гатэля па дарозе ў аэрапорт, таму стараемся дапамагчы яму эканоміць час.

Замежным журналістам і арганізацыям прапануюць дапамагаць абнаўляць, удакладняць інфармацыю на сайце. Для гэтага можна напісаць: info@lvivmediaforum.com.

Перакладзена на беларускую мову Прэс-клубам