Мінск, вул. Кісялёва, 12-2н, пам. 29
Стаць сябрам Меню Зарэзерваваць зал

Matskevich.org: з'явіўся сайт з працамі палітзняволенага філосафа Ўладзіміра Мацкевіча

Калегі Ўладзіміра Мацкевіча зрабілі сайт, дзе можна знайсці асноўныя кнігі, тэксты, відэа і адукацыйныя курсы палітзняволенага філосафа і метадолага.

Як паведамляе Budzma.org, сайт будзе папаўняцца матэрыяламі розных гадоў і на розныя тэмы.

Акрамя кніг, відэа і адукацыйных курсаў, на сайце таксама размешчана біяграфія Мацкевіча. Праект мае і англамоўную версію.

Перайсці на Matskevich.org

Уладзімір Мацкевіч знаходзіцца за кратамі з 4 жніўня 2021 года. 23 чэрвеня 2022-га філосафа-палітвязня асудзілі на пяць гадоў калоніі ўзмоцненага рэжыму. Мацкевіча абвінавацілі ў арганізацыі дзеянняў, што парушаюць грамадскі парадак, стварэнні экстрэмісцкага фармавання і абразе кіраўніка дзяржавы. 

— Мне лягчэй было сёлета. Я жыву ў атачэнні людзей, якім няма патрэбы маніць і прыстасоўвацца. Тут, у турме, нават людзі, якія ніколі не цікавіліся палітыкай, усё разумеюць на роўні цвярозага розуму. Для гэтага не трэба мець сем пядзяў у лбе, — разважае ў адным з лістоў Уладзімір Мацкевіч. — З боку розуму сітуацыя разумеецца і інтэрпрэтуецца лёгка, але з этычнага і маральнага боку я бачу такі гвалт над чалавечым сумленнем і свядомасцю, што губляюся, спрабуючы ўявіць, як мы, нацыя і грамадзянская супольнасць, будзем з гэтым спраўляцца далей.

Адрас для лістоў

Турма № 4. 212011, г. Магілёў, вул. Крупскай, 99А

Мацкевіч Уладзімір Уладзіміравіч

Прэс-клуб

Выява на галоўнай: скрыншот сайта Matskevich.org


«Отвечая за себя. Записки философа с вредным характером»

«Свобода и мышление». Вышла новая книга политзаключённого Владимира Мацкевича

Партнёры прэс-клуба