Як медыйшчыкам працаваць у Грузіі. Гайд ад Прэс-клуба Беларусь

Фонды і арганізацыі: дапамога

Каб жыць і працаваць у камфортных умовах беларускія журналісты могуць звяртацца па дапамогу ў розныя фонды і арганізацыі.

Дапамогу раз у год пры рэлакацыі, а таксама пры тэхнічнай рэнавацыі (напрыклад, пры абнаўленні тэхнікі) аказвае MediaSOl. Тут можна запоўніць форму.  Дапамагаюць журналістам яшчэ IREX Georgia і Тбілісі Шэлтер Сіці.

Акрамя таго, псіхалагічную дапамогу можна запрасіць тут:

• у Беларускай асацыяцыі журналістаў (кантакт для сувязі: press@baj.by);
• ці далучыцца да анлайн-групы падтрымкі беларускіх медыйшчыкаў, якую па пятніцах праводзіць Прэс-клуб Беларусь (сачыць за рэгістрацыямі на группу, а таксама за іншымі падзеямі можна на сайце Прэс-клуба).

Асаблівасці акрэдытацыі

Звычайна журналісту не патрэбна спецыяльная акрэдытацыя, каб працаваць.

Асобны выпадак, калі вы хочаце патрапіць у якасці журналіста ў памежную зону з «акупаванымі тэрыторыямі». Гэта Паўднёвая Асеція і Абхазія – рэгіёны Грузіі, акупаваныя Расіяй у выніку «вайны 08.08.08» у жніўні 2008 года. Тады вам спатрэбіцца дазвол ад паліцыі і службы бяспекі Грузіі. Калі вы паедзеце ў гэтыя рэгіёны, вас будзе суправаджаць паліцэйскі альбо супрацоўнік службы бяспекі. Заяўку на такі дазвол можна даслаць на email: miapr@mia.gov.ge.

Мова камунікацыі з паліцыяй: грузінская ці англійская. Вам будзе цяжка знайсці рускамоўнага паліцыянта. Можна наняць фіксера – грузіна, які будзе вам дапамагаць кантактаваць з дзяржаўнымі службамі.

Акрэдытацыя таксама патрэбна, каб асвятляць падзеі ў грузінскім парламенце. Для гэтага можна напісаць зварот праз форму на старонцы на грузінскай ці англійскай мовах.

Прэс-клуб Беларусь сумесна з Міжнароднай асацыяцыяй прэс-клубаў (International Association of Press Clubs) прапануе супрацоўнікам беларускіх медыя (як штатным, так і фрылансерам) атрымаць карту міжнароднага ўзору ад IAPC. Міжнародная прэс-карта – гэта афіцыйны дакумент, які пацвярджае ваш статус журналіста. Падрабязнасці і форму заяўкі знойдзеце тут.

Што нельга фатаграфаваць у Грузіі

Магчыма, вы здзівіцеся: у Тбіліскім метро забароненыя здымкі на прафесійную камеру. Забарона дзейнічае з «савецкіх часоў». Калі вы здымаеце на тэлефон, ніхто замінаць не будзе. Але калі захочаце запісаць інтерв’ю на станцыі метро з дапамогай спецыяльнай камеры, то хутчэй за ўсё вам такое не дазволяць.

Фатаграфаваць адміністрацыйныя будынкі можна, але лепш на месцы пацікавіцца ў паліцэйскіх ці прадстаўнікоў аховы, што можна здымаць, а што нельга. Некалькі гадоў таму дзейнічала забарона на фатаграфанне вакзалаў як стратэгічных аб’ектаў, але зараз пастанова на забарону адменена.

Дзе чытаць навіны

Civil.ge – канал заснаваны ў 2001 годзе як праект ААН у Грузіі.

Чаты і каналы з інфармацыяй пра Грузію на рускай мове:

• Tbilisi life – пра жыццё «панаехаўшых» у Тбілісі.
• Kartveloba ✚ ქართველობა – пра палітыку, гісторыю і культуру Грузіі.
• Николай Левшиц – «самы вялікі канал пра Грузію».
• GEнацвале | Генацвале – тут «вельмі прыгожыя навіны з абаяльнай Грузіі».
• Батумчык– навінавы канал пра рэгіён.

Месцы для працы журналістаў

У грузінскіх гарадах кепска працуе Google-мапа, і знайсці месца бывае складана. Лепш карыстацца аплікацыяй maps.me альбо мапай Яндэкса, каб дабрацца па патрэбнаму адрасу.

Тбілісі:

• KD4US у бізнес-цэнтры King David (12 Merab Aleksidze St);
• Space Z (Ana Politkovskaia Street 3 block 6);
• Impact Hub Tbilisi (8 Egnate Ninoshvili St);
• LOKAL Tbilisi (42 Vasil Petriashvili St);
• Ano Office (4 Sokhumi St);
• Melias Coworking (19 Amaghleba St);
• Mshvidoba coworking (63B MERAB KOSTAVA ST);
• Startup factory – The University of Georgia (77 Merab Kostava St);
• Coworking Buslik Hub (119 Davit Aghmashenebeli Ave)
• Terminal, адзін з самых дарагіх каворкінгаў, мае ў Тбілісі некалькі кропак па адрасах: 34-36 Irakli Abashidze St, 3 Khorava St, 37m Chavchavadze Ave, 61 Davit Aghmashenebeli Ave, 24 University St.

 

Батумі:  

У сакавіку 2023 года адкрыўся Медыя Хаб Батумі. Гэта каворкінг, open space, два кол-боксы, прафесійная відэа-і аўдыёстудыя. Прастора можа трансфармавацца пад розныя мерапрыемствы і патрэбы для правядзення мерапрыемстваў да 12-15 чалавек. Медыя Хаб знаходзіцца па адрасе: вул. Парнаваз Мэпэ, 67 (яно ж вул. Цара Парнаваза, 67).

• Каворкінг для журналістаў у цэнтры старога гораду (БАЖ);
• LinX (ёсць ільготная магчымасць папрацаваць журналісту);
• Прастора арганізацыі «Актыўным быць файна»;
• Многафункцыянальная прастора «аКсяродак»;
• Тэрмінал;
• Coworking Batumi;
• ANVD Coworking;
• O! Coworking;
• Galera;
• Batumi works (Kongworking);
• Space;
• Lend Space;
• Skill House;
• BlahBlahWork;
• Kavior;
• Qaction;
• Sakhli Batumi;
• Sakhli 2;
• Gastrobar Place;
• Kong Working;
• Friday;
• Narnia.

Супольнасці

Часцей за ўсё камунікацыя з грузінскімі калегамі адбываецца падчас акцый у дапамогу Украіне ці на іншых палітычных акцыях, а таксама на семінарах ці трэнінгах.

Беларусы Грузіі кантактуюць у асноўным праз Telegram. Пра адмысловыя закрытыя чаты для журналістаў мы пісаць не будзем, а вось адкрытыя групы для усіх жадаючых такія:

• «Беларусы Грузіі»;
• «Беларусы Тбілісі»;
• «Беларусы Батумі»;
• альтэрнатыўны чат «Беларусаў Батумі»;
• «Беларусы Кутаісі».

У Батумі беларусы стварылі карысную старонку. Тут даведаецеся пра нюансы рэлакацыі, пошук жытла, транспарт і г. д. Калі трэба зарэгістраваць ІП – з працэсам дапаможа разабрацца спецыяльны Telegram-бот.

---