Адкрытая лятучка з "Про бизнес."

У чацвер 23 сакавіка а 19.00 запрашаем на «Адкрытую лятучку» з рэдакцыяй інтэрнэт-часопіса «Про бизнес.«.  

«Про бизнес.» — рэсурс для ўсіх, хто цікавіцца бізнэсам у Беларусі. Паводле стваральнікаў місія часопіса — фармаваць супольнасць беларускага бізнэсу і служыць пляцоўкай для карыснай камунікацыі, а таксама садзейнічаць развіццю прадпрымальніцтва. Каманда прытрымліваецца трох запаведзяў: захоўваць палітычны нейтралітэт, падзяляць рэдакцыйную і камерцыйную працу, падтрымліваць атмасферу паважлівага стаўлення адзін да аднаго.

Пра тое, ці атрымліваецца ствараць медыя па вызначаных правілах, а таксама пра падзел абавязкаў у рэдакцыі распавядзе кіраўнік праекту Віталь Валянюк.

Падзея будзе цікавая для журналістаў, студэнтаў журналістыкі, а таксама чытачоў інтэрнэт-часопіса. Фармат прадугледжвае сесію пытанняў з залі. 

Пачатак а 19.00 у Прэс-клубе.

Уваход вольны, але ветліва просім зарэгістравацца на падзею.