Мінск, вул. Кісялёва, 12-2н, пам. 29
Стаць сябрам Меню Зарэзерваваць зал

«Беларусь на целе». Фотавыстава пра пратэстныя татуяванкі беларусаў

Дзе: 
Варшава
Дата падзеі: 
05.08.2022 - 18:00

5 жніўня ў Цэнтры беларускай салідарнасці ў Варшаве адбудзецца фотавыстава «Беларусь на целе». Праект прысвечаны гісторыі татуяванак беларусаў, якія яны зрабілі сабе пасля перажытых падзей 2020 года, змушанага пераезду, рэпрэсій ці вайны ва Ўкраіне. 

Час: 18:00

Месца: Цэнтр беларускай салідарнасці, Варшава, Oleandrów 6/2

Аўтарка выставы – беларуская журналістка Яўгенія Доўгая. У 2022 годзе яна пачала збіраць фотаздымкі пратэсных тату беларусаў і іх гісторыі і публікаваць іх на старонцы @body_of_belarus ў Instagram.


Фота: @body_of_belarus 

– Цела стала адзінай прыладай, каб неяк выказаць сваю нязгоду ці пакінуць у памяці 2020 год. Гэта пра пратэсты і рэпрэсіі, бо людзей таксама пераследуюць за тату, беларусы атрымліваюсь «суткі» і нават крымінальныя артыкулы, – кажа Яўгенія. – Апроч таго, гэта яшчэ і змушаная страта хаты, страта звыклага жыцця. Праз татуяванкі людзі рэфлектуюць і пакідаюць «гісторыю». Вось так мы і вырашылі зрабіць выставу пра татуяванкі беларусаў. Хочацца сабраць нейкі архіў, бо нас чакае пакаленне бабуль і дзядуляў, на целах якіх распісана гісторыя краіны.

Фатографка праекту «Беларусь на целе» – Ірына Арахоўская.

У Цэнтры беларускай салідарнасці выстава будзе праходзіць толькі адзін дзень. Потым фотаздымкі на нейкі час будуць вывешаныя на адной з вуліц Варшавы. У планах арганізатаркі таксама паказаць фотавыставу ў беларускіх дыяспарах.

Прэс-клуб

 

Партнёры прэс-клуба