Лёс дыялога паміж ЕС, беларускімі ўладамі і грамадзянскай супольнасцю Беларусі. Прэс-канферэнцыя

Беларуская нацыянальная платформа Форуму грамадзянскай супольнасці Ўсходняга партнёрства і Прэс-клуб запрашаюць на пазачарговую прэс-канферэнцыю па выніках працы трэцяй Каардынацыйнай групы ЕС-Беларусь.

Цягам прэс-канферэнцыі плануецца ўзняць наступныя пытанні:

1. Папярэднія заключэнні Беларускай нацыянальнай платформы па выніках працы ў Беларусі Маніторынгавай місіі Форуму грамадзянскай супольнасці Усходняга партнёрства;
2. Асноўныя высновы БНП і ўдзельнікаў ад грамадзянскай супольнасці па чарговым раўндзе сустрэч Каардынацыйнай групы ЕС-Беларусь 3-4 красавіка 2017 г.;
3. Пазіцыя БНП па актуальных падзеяў у Беларусі, звязаным з рэпрэсіямі ў дачыненні да грамадзян — удзельнікаў акцый пратэсту, грамадзянскіх актывістаў, праваабаронцаў і журналістаў;
4. Чаканні і рэкамендацыі БНП адносна дзеянняў Еўрапейскага Саюза, краін-членаў ЕС і міжнародных арганізацый у дачыненні да Беларусі і беларуска-еўрапейскіх адносін у кантэксце актуальнай сацыяльна-палітычнай сітуацыі.

Удзельнікі:
Святлана Каралёва, кіраўнічка Каардынацыйнага камітэта БНП;
Улад Вялічка, Нацыянальны каардынатар ФГС УП па Беларусі;
Алег Гулак, кіраўнік РГА «Беларускі Хельсінкскі камітэт», намеснік старшыні Рабочай групы зарэгістраванай ў Літве Асамблеі НДА.

Шаноўныя калегі! Для ўдзелу ў прэс-канферэнцыі, калі ласка, зарэгіструйцеся.