Падпішыся на нашу медыйную рассылку!
Кожны тыдзень атрымлівай на пошту: якасныя магчымасці (гранты, вакансіі, конкурсы, стыпендыі), анонсы івэнтаў (лекцыі, дыскусіі, прэзентацыі, прэс-канферэнцыі) і карысны кантэнт
Urban Space Radio — бадай, адзін з самых незвычайных медыйных праектаў пастсавецкага рэгіёну.
Студыя незалежнага медыя пра урбаністыку, культуру, грамадскае жыццё адкрылася ў 2015 годзе ва ўкраінскім Івана-Франкоўску ў памяшканні рэстарана (!), заснаванага неабыякавымі гараджанамі.
Рэстаран Urban Space 100 — сацыяльны бізнес, на які сто франкоўцаў скінуліся па 1 тыс. даляраў. 20% ад яго прыбытку ідзе ўпраўляючай кампаніі, 80% — на развіццё самых розных гарадскіх ініцыятыў.
За амаль чатыры гады свайго існавання праект Urban Space стаўся цэнтрам гарадскога жыцця Івана-Франкоўска і абзавёўся франшызай, па якой аналагічнае месца адкрываецца ў Кіеве.
Наколькі трывалым можа быць звязка сацыяльна адказнага праекту і медыя? Што было першым — актывізм ці медыйная ідэя? У якой ступені праект абавязаны сваім поспехам радыё — і якое месца займае яно ў сістэме і ў жыцці горада зараз? Як медыі здольныя паляпшаць гарадское жыццё?
Пра гэта на адкрытай лекцыі ў Прэс-клубе распавядуць каардынатарка Urban Space Radio Юлія Кушнір і менеджэрка франшызы Urban Space Марта Гладка.
Уваход вольны пры ўмове папярэдняй рэгістрацыі на сайце Прэс-клуба.
Кожны тыдзень атрымлівай на пошту: якасныя магчымасці (гранты, вакансіі, конкурсы, стыпендыі), анонсы івэнтаў (лекцыі, дыскусіі, прэзентацыі, прэс-канферэнцыі) і карысны кантэнт