Аўдыёдыпфейкі, створаныя ШІ: Вэбінар GIJN з серыі «Расследаванне выбараў»

Ілюстрацыя з сайта gijn.org

Вэбінар пройдзе 9 красавіка 2024 года ў 14:00 (Варшава) / 15:00 (Вільнюс) / 16:00 (Мінск)

Мова вэбінара – англійская, з сінхронным перакладам на рускую і ўкраінскую.

Спікеры/спікерка:

• Сайлас Джонатан – менеджар па лічбавых расследаваннях у Цэнтры інавацый і развіцця журналістыкі, спецыяліст па фактчэкінгу і OSINT, аўтар навуковых работ і расследаванняў аб арганізацыях, адказных за інфармацыйны хаос у афрыканскім рэгіёне;
• Шаян Сардарызадэ – журналіст BBC Verify, які спецыялізуецца на выкрыцці фэйкавых навін, дэзінфармацыі і маніпуляцый на лічбавых платформах. Ён таксама займаецца расследаваннямі ў адкрытых крыніцах, у тым ліку верыфікацыяй кантэнту і пошукам геалакацыі;
• Вольга Юркова – журналістка і сузаснавальніца StopFake.org, незалежнай украінскай арганізацыі, якая займаецца фактчэкінгам і падрыхтоўкай міжнародных спецыялістаў па праверцы фактаў для барацьбы з прапагандай і дэзінфармацыяй у СМІ.

Мадэратар: Рован Філп – старшы рэпарцёр GIJN, які пісаў аб пагрозе згенераваных з дапамогай ШІ дыпфейкаў і як журналісты-расследавальнікі могуць гэтаму супрацьстаяць.

Зарэгістравацца на вэбінар