Адукацыйны курс «Варушы мазгамі хутка! Аналітычная журналістыка ў сеціўную эпоху»

Пачынаецца прыём заявак на бясплатны адукацыйны курс для жадаючых навучыцца пісаць аналітычныя тэксты для вэб-рэсурсаў.

Вас навучаць:

• знаходзіць тэму, фармуляваць праблему, выбудоўваць канцэпцыю матэрыялу;
• абіраць найлепшы жанр для раскрыцця тэмы;
• пісьменна працаваць з фактурай, экспертамі;
• пераканаўча аргументаваць сваю пазіцыю;
• раскусваць хітрыкі прапаганды, выкрываць фэйкі;
• спалучаць аўтарскае «я» з рознабаковым асвятленнем праблемы;
• трымаць фармат і пры гэтым пісаць выразна і цікава;
• будаваць матэрыялы з улікам спецыфікі інтэрнэту, раскручваць сваю творчасць у сацыяльных сетках;
• абыходзіць пасткі заканадаўства аб СМІ, трымацца прафесійнай этыкі.

Заняткі будуць ладзіцца ў рэжыме інтэрактыву з акцэнтам на практыку.

Хто будзе абучаць:

• кіраўнік аналітычных праектаў інфармацыйнай кампаніі БелаПАН Аляксандр Класкоўскі;
• палітолаг Валер Карбалевіч;
• аналітык «Либерального клуба» Вадзім Мажэйка;
• SMM-рэдактар «Зялёнага партала» Антон Сурапін.

Хто можа прыняць удзел: журналісты з Мінска і рэгіёнаў, студэнты факультэтаў журналістыкі.

Адукацыйны курс распачнецца 15 верасня і завершыцца 27 кастрычніка. Сем заняткаў пройдуць у Мінску па суботах.

Пасля заканчэння курса лепшыя з удзельнікаў змогуць патрапіць на майстар-клас замежнага трэнера ў Вільню.

Падаць заяўку можна да 10 верасня (23:59). Колькасць удзельнікаў абмежаваная.

Крыніца інфармацыі: baj.by.

Фота

---