Cтыпендыі для журналістаў ад Інстытута Рэдкліфа

Дэдлайн падачы заявак: 14 верасня 2023 года

Стыпендыяты, якія знаходзяцца ў Рэдкліф-Ярдзе — запаведніку ў самым сэрцы Гарвардскага ўніверсітэта — далучаюцца да унікальнай міждысцыплінарнай і творчай супольнасці. Стыпендыя ў Рэдкліф — гэта магчымасць адысці ад звычайнай руціны і паглыбіцца ў праект. Маючы доступ да неверагодных рэсурсаў Гарварда, стыпендыяты Рэдкліфа распрацоўваюць новыя інструменты і метады, кідаюць выклік мастацкім і навуковым канвенцыям і асвятляюць наша мінулае і сучаснасць.

Перыяд стыпендыі: з верасня 2024 па май 2025 года (Кембрыдж, Масачусэтс).

Умовы ўдзелу

• улічваецца якасць і значэнне прапанаванага праекта, а таксама дасягненні і патэнцыял заяўніка;
• журналісты, якія прэтэндуюць на атрыманне стыпендыі, павінны мець як мінімум пяць гадоў прафесійнага досведу.

Вітаюцца тэмы заявак, якія адносяцца да напрамкаў дзейнасці Інстытута:

• Прапановы, якія сканцэнтраваны на жанчынах, гендэры і грамадстве або абапіраюцца на багатыя калекцыі Бібліятэкі Шлезінгера;
• Змяненне клімату і яго ўздзеянне на чалавека, асабліва праекты, накіраваныя на ліквідацыю непрапарцыйнага ўздзеяння кліматычнага крызісу на маргіналізаваныя супольнасці або супольнасці з недахопам рэсурсаў;
• Спадчыны рабства.

Памер стыпендыі

Да 78 000 долараў ЗША на адзін год з дадатковымі выплатамі на расходы па правядзенні праекта. Таксама стыпендыяты атрымліваюць магчымасць карыстацца офісам ці студыяй, доступам да бібліятэк і іншым рэсурсам Гарвардскага ўніверсітэта на працягу года стыпендыяльнай праграмы.

Падрабязней пра стыпендыю чытайце на сайце Інстытута

Падаць заяўку

---