DIG Awards прымае журналісцкія расследаванні на конкурс

Дэдлайн падачы заявак: 15 чэрвеня (відэа і аўдыё) і 15 ліпеня 2023 года (DIG Pitch).

Лепшыя аўтары атрымаюць узнагароду DIG Awards 2023 падчас фестывалю DIG, які пройдзе ў італьянскім горадзе Модэна з 21 па 24 верасня 2023 года.

Ацэньваць конкурсныя працы будзе міжнародная каманда вядучых журналістаў і вяшчальных кампаній.

Відэа фармат

На конкурс відэа прымаюцца працы, якія створаны або апублікаваныя з 1 чэвреня 2022 года да 1 чэрвеня 2023 года. Відэа павінна суправаджацца субтытрамі на англійскай мове. Магчыма падаць на конкурс працу, якая яшчэ не публікавалася.

Конкурсныя намінацыі:

• Расследаванне, доўгі фармат (ад 40 хвілін);
• Расследаванне, сярэдні фармат (ад 15 да 40 хвілін);
• Рэпартаж, доўгі фармат (ад 40 хвілін);
• Рэпартаж, сярэдні фармат (ад 15 да 40 хвілін);
• Кароткі фармат (да 15 хвілін).

Працэс падачы заяўкі для відэа адбываецца выключна праз платформу FilmFreeway, доступ да якой можна атрымаць па спасылцы.

Плата за ўдзел складае 20 еўра.

Аўдыё фармат

У гэтую намінацыю прымаюцца падкасты, аўдыядрамы і радыёшоу, якія асвятляюць актуальныя міжнародныя гісторыі праз расследаванні і арыгінальныя рэпартажы.

Удзел у гэтай намінацыі бясплатны. Прымаюцца апублікаваныя і неапублікаваныя аўдыёпраекты на італьянскай, англійскай і французскай мовах.

Падаць заяўку ў намінацыю «Аўдыё»

Намінацыя DIG Pitch

Гэтая катэгорыя для расследаванняў або відэарэпартажаў, якія знаходзяцца на стадыі распрацоўкі або вытворчасці і арыентаваны на пытанні міжнароднага значэння. Кожная каманда-ўдзельнік можа падаць не больш за 2 праекты.

Фіналісты прадставяць свой праект перад журы і аўдыторыяй падчас публічнага пітчынгу ў рамках фестывалю DIG 2023 у Модэне.

Падаць заяўку на DIG Pitch

Хаця б адзін прадстаўнік каманды праекта-фіналіста павінен прысутнічаць асабіста ў сесіі DIG Pitch у Модэне. Немагчыма прысутнічаць на пітчынгу дыстанцыйна. Прэзентацыя павінна быць на англійскай мове і заняць не больш за 5 хвілін. Для паказу відэа-тызера даецца 3 хвіліны.

Каманда-пераможца DIG Pitch Award атрымае падтрымку на развіццё праекту ў памеры да 15 000 еўра.

Падрабязней пра ўмовы DIG Awards і намінацыі

DIG Awards арганізавана праз DIG Documentari Inchieste Giornalismi – ETS – некамерцыйную асацыяцыю, якая падтрымлівае расследавальніцкую журналістыку ў Італіі і па ўсім свеце. З 2015 года яна аб’ядноўвае тысячы журналістаў, кінематаграфістаў, рэжысёраў і прадзюсараў.

---