Фотафестываль у Паўднёвай Карэі запрашае фатографаў падаць заяўкі

Дэдлайн падачы заявак: 29 траўня 2023 года.

Цікаўнасць і жаданне даследаваць невядомае – неад’емная патрэба чалавека. Невядомае можа ахопліваць не толькі тое, што зусім незнаёма, але і тое, што цяпер ігнаруецца або чаго пазбягаюць.

Часта нязведаныя тэрыторыі аказваюць самы глыбокі ўплыў на гісторыю чалавецтва. Невядомае не павінна быць выключна загадкавым або сакральным. Што б гэта ні было, у ім захоўваецца магія. Адпраўленне ў невядомае можа быць надзвычай вызваляючым досведам, які змяняе свет.

XXI Міжнародны фотафестываль DongGang пройдзе з 21 ліпеня па 24 верасня ў горадзе Ёнволь, Карэя.

Як падаць заяўку

Падаць заяўку можа фатограф ці калектыў фатографаў. Аўтар можа падаць ад 8 да 12 фотаздымкаў з пэўнай серыі.

Заяўка павінна ўключаць:

• 8-12 фотаздымкаў, 4000 пікселяў (па даўжыні), файл у фармаце.jpeg або.tiff;
• поўнае імя і прозвішча фатографа;
• нумар мабільнага тэлефона;
• адрас электроннай пошты;
• паштовы адрас;
• кароткае CV або біяграфія памерам у адну старонку;
• заяўка (кароткае апісанне конкурснай працы).

Заяўку трэба даслаць па адрасе электроннай пошты: opencall@dgphotofestival.com або спасылкай на сервіс Wetransfer. Любыя няпоўныя заяўкі будуць адхілены.

Пасля падачы заяўкі вы павінны атрымаць пацвярджэнне, адпраўленае на адрас электроннай пошты, якая ўказана ў заяўцы.

Узнагароды

Працы абраных 15-20 аўтараў, у тым ліку з намінацыі «Мастак года», прымуць удзел у гадавой выставе, якая будзе дэманстравацца на фестывалі DIPF і будуць уключаны ў мастацкі часопіс.

Пераможца ў намінацыі «Мастак года» атрымае персанальную выставу ў межах фестывалю DIPF з пакрыццём вытворчасці і права на праезд і пражыванне ў горадзе Ёнволь для ўдзелу ў адкрыцці.

Асноўная праграма 21-га Міжнароднага фотафестывалю DongGang пройдзе з 21 ліпеня па 24 верасня 2023 года.

---