The Journalists for Human Rights, вядучая канадская арганізацыя па развіцці СМІ, падтрымае вытворчасць інавацыйнага і якаснага кантэнту, арыентаванага на беларускамоўную аўдыторыю. Адабраныя праекты могуць атрымаць да 10 000 еўра.
Дэдлайн заявак: да 15-га кожнага месяца
Запрашаюць незалежных журналістаў, вядомыя платформы і арганізацыі грамадзянскай супольнасці падаваць заяўкі на фінансаванне для стварэння кантэнту.
Магчымасць фінансавання адкрыта для незалежных беларускіх журналістаў, якія ствараюць журналісцкія расследаванні, рэпартажы аб правах чалавека, ЛГБТК і правы жанчын, падкасты, а таксама кароткія і доўгія дакументальныя відэа. Фінансаванне даступна для стварэння гісторый, падкастаў і відэа ў выглядзе асобных фрагментаў або серыі.
Максімальная сума фінансавання любога праекта складае 10 000 еўра. У кожным цыкле будзе прымацца адна заяўка ад арганізацыі. Некалькі крыніц фінансавання дазволены пры ўмове, што яны пазначаны ў вашай заяўцы.
Калі ёсць пытанні, пішыце на jhreurope@proton.me
Пераклад Прэс-клуб Беларусь
Кожны тыдзень атрымлівай на пошту: якасныя магчымасці (гранты, вакансіі, конкурсы, стыпендыі), анонсы івэнтаў (лекцыі, дыскусіі, прэзентацыі, прэс-канферэнцыі) і карысны кантэнт
