Ідзе набор у летнюю акадэмію для медыйшчыкаў у Варшаве

Дэдлай падачы заявак: 16 красавіка 2023 года.

Поўнамаштабнае ўварванне Расіі ва Украіну, якое пачалося 24 лютага 2022 года, ужо дало шмат урокаў для грамадства. Перш за ўсё – надзвычай важнае значэнне бяспекі як неабходнасці для абароны дэмакратычных каштоўнасцяў і ідэалаў.

Грунтуючыся на гэтым, арганізатары распрацавалі праграму, якая закране ўсе важныя аспекты: асабістую, грамадскую і глабальную бяспеку.

Хто можа прыняць удзел

Звычайна арганізатары шукаюць спецыялістаў сярэдняга звяна, якія маюць не менш за пяць гадоў прафесійнага досведу:

• журналісты;
• спецыялісты прыватнага сектару і НДА;
• палітычныя аналітыкі;
• эксперты;
• дарадцы;
• дзяржаўныя служачыя.

Арганізатары адбяруць 35 удзельнікаў, якія прадстаўляюць розныя слаі грамадства і з’яўляюцца грамадзянамі Усходняга партнёрства, Заходніх Балкан і Польшчы.

Падаць заяўку

Тэмы, якія закрануць падчас WEASA 2023:

• медыяпісьменнасць: паняцці і практычныя заняткі;
• эфектыўныя практыкі ў сацыяльных сетках і парады, як быць уплывовым чалавекам у пазітыўным сэнсе;
• дэзынфармацыя супраць свабоды слова;
• дэзынфармацыя і ўводзіны ў OSINT;
• пашыраныя інструменты OSINT;
• асабістая лічбавая бяспека: практычныя інструменты бяспекі ў інтэрнэце;
• трансатлантычнае партнёрства ў свеце, які змяняецца;
• еўраінтэграцыйныя перспектывы Усходняга партнёрства і Заходніх Балкан;
• гібрыдныя пагрозы ў сучасным свеце.

Падрабязней пра ўмовы

Праграма спалучае лекцыі, семінары і панэльныя дыскусіі, якія забяспечваюць тэарэтычную і практычную падрыхтоўку для ўдзельнікаў.

Умовы ўдзелу

Удзельнікі летняй акадэміі прадставяць свае краіны з пункту гледжання еўраатлантычнай інтэграцыі і пакажуць асноўныя выклікі, якія стаяць перад іх грамадствам у гэтым працэсе. Акрамя таго, адбудуцца спецыяльныя дэбаты, звязаныя з будучыняй бяспекі і роляй NATO.

Арганізатары плануюць прыбыццё ўдзельнікаў 2 ліпеня, а 13 ліпеня – выезд.

Выдаткі на праезд да месца правядзення летняй акадэміі кампенсуюцца да 350 еўра. Пражыванне і харчаванне на ўвесь час пакрываюцца арганізатарамі.

Варшаўская еўраатлантычная летняя акадэмія WEASA была заснавана ў партнёрстве з Каледжам Еўропы ў Натоліне, Польска-Амерыканскім фондам свабоды і Нямецкім фондам Маршала ЗША.

---