Ідзе прыём заявак на пітчынг медыяпраектаў пра культуру

Дэдлайн падачы заявак: 5 сакавіка, 23:59 CET.

Фармат уяўляе сабой хуткія прэзентацыі праектных ідэй і іх абмеркаванне з адмыслова запрошанымі гледачамі. Асноўная матывацыя арганізатарак – стварыць утульную прастору для развіцця сувязяў паміж творчымі беларусамі, абмену кантактамі, парадамі і пошуку самых розных рэсурсаў.

Да ўдзелу запрашаюцца як выступоўцы, гатовыя прадставіць сваю ідэю, так i патэнцыйныя партнёры i партнёркi, эксперты i эксперткі, i зацікаўленая публіка.

Дзякуючы наяўнасці прызавога фонду, на першых 4-х пітчынгах лепшыя пітчы змогуць атрымаць 150 еўра на развіццё праекта.

Афлайн-пітчынг у Вільні

Першы афлайн-пітчынг адбудзецца ў Вільні 10 сакавіка а 19-ай гадзіне ў прасторы CreateCultureSpace. На мерапрыемстве можна будзе прадставіць культурніцкія праекты на любыя тэмы.

Мовы: беларуская, расейская.

Анлайн-пітчынгі

Анлайн-версіі пітчынгаў арганізуюцца праектам sekktor i будуць факусавацца на асобных сферах дзейнасці, а таксама на лакалізацыі партнёраў, якія шукаюцца. Такім чынам, першыя тры анлайн-пітчынгі будуць арыентавацца на беларускія ініцыятывы на тэрыторыі Польшчы. Адпаведна, выступоўцам трэба быць гатовымі прадставіць свае ідэі
па-ангельску ці па-польску.

Расклад бліжэйшых пітчынгаў «Праектара» анлайн:

• 10 сакавіка: «Перфарматыўныя праекты», 15:00 СЕТ;
• 17 сакавіка: «Сучаснае мастацтва. Экспазіцыйныя праекты» 15:00 СЕТ;
• 24 сакавіка: «Літаратурныя праекты» 15:00 СЕТ.

Як прыняць удзел:

• Запоўніць на сайце форму заяўкі разам са стартавай прэзентацыяй сваёй ідэі;
• атрымаць пацверджанне арганізатарамі;
• дапрацаваць сваю прэзентацыю пры падтрымцы арганізатарак;
• патрэніравацца на рэпетыцыі пітчынгу, якая адбудзецца за 2 дні да выступу.

Падаць заяўку і даведацца больш пра праект

Задаць пытанне арганізатаркам можна праз email: offline@praektar.com і online@praektar.com.

---