Ідзе прыём заявак на прэмію Fetisov Journalism Awards

Дэдлайн падачы заявак: 2 кастрычніка 2023 года, 01:59 СЕТ (1 кастрычніка 2023 года, 23:59 UTC).

Конкурсныя намінацыі

Outstanding Contribution to Peace

Прысуджаецца за артыкулы, якія будуць адлюстроўваць важнасць павагі да чалавечага жыцця, мець грамадскі ўплыў і могуць быць прысвечаны шэрагу пытанняў:

• скарачэнне ўзбраенняў і раззбраенне;
• спыненне нацыянальных і міжнародных канфліктаў;
• праца нацыянальных і міжнародных міратворцаў і грамадскіх арганізацый падтрымкі.

Contribution to Civil Rights

Конкурсныя матэрыялы ў гэтай катэгорыі павінны адлюстроўваць павагу да свабод асобы, разнастайнасці, правоў меншасцей і інклюзіўнага дыялогу ў грамадстве.

Закранутыя пытанні могуць уключаць:

• права на жыццё і асабістую недатыкальнасць;
• свабоду выказвання меркаванняў, асацыяцый і рэлігіі і іншыя.

Outstanding Investigative Reporting

Матэрыялы ў гэтай катэгорыі павінны спрыяць празрыстасці, раскрываць сапраўдныя прычыны падзей і тое, наколькі важнае значэнне маюць журналісцкія расследаванні. Артыкулы могуць быць сканцэнтраваны на:

• дэталёвым вывучэнні несправядлівасці, карупцыі і правапарушэнняў у грамадскім жыцці;
• раскрыцці ўяўлення аб важных дадзеных і інфармацыі, схаваных ад вачэй грамадскасці.

Excellence in Environmental Journalism

Конкурсныя матэрыялы павінны павышаць дасведчанасць грамадскасці аб надзвычайнай кліматычнай сітуацыі і глабальным экалагічным крызісе. Аўтары могуць абапірацца на шэраг нацыянальных і міжнародных праблем:

• забруджванне паветра і вады;
• змяненне клімату;
• утылізацыю адходаў;
• хімічную зброю;
• устойлівы лад жыцця і рост насельніцтва.

Хто можа падаць заяўку:

• прафесійныя журналісты, якія прадстаўляюць канкрэтнае медыя;
• прадстаўнікі прафесійных журналісцкіх арганізацый (саюзаў, асацыяцый, таварыстваў);
• журналісты-фрылансеры.

Дапускаецца самавылучэнне.

Падаць заяўку

Патрабаванні да заяўкі

На ўдзел у конкурсе можна заяўляць не больш за тры рэпартажы ці серыі рэпартажаў ад адной журналісцкай арганізацыі ці медыйнай пляцоўкі.

Форма заяўкі можа быць запоўненая прадстаўніком зарэгістраванай арганізацыі ці медыяплатформы, які вылучыў іншага журналіста, або намінантам. Інфармацыя павінна быць прадстаўлена на англійскай мове.

Прымаецца адна праца (адзін рэпартаж або серыя рэпартажаў) ад аўтара ці аўтарскага калектыву.

Конкурсныя публікацыі (сюжэты, артыкулы, рэпартажы) павінны быць апублікаваны ў друкаваных СМІ і/ці размешчаны на сайтах і рэсурсах медыя з 1 чэрвеня 2022 года па 31 траўня 2023 года.

Колькасць слоў для конкурснай публікацыі не павінна перавышаць 20 000 слоў.

Фільмы, відэа- і аўдыязапісы як асобныя творы на конкурс не прымаюцца.

Падрабязней пра ўмовы

Узнагароды

Агульны прызавы фонд складае 520 000 швейцарскіх франкаў.

Тры пераможцы ў кожнай катэгорыі падзяляюць грашовую ўзнагароду ў памеры 130 000 швейцарскіх франкаў (з улікам падаткаў, прадугледжаных дзеючым заканадаўствам):

• лаўрэат першага прыза атрымае 100 000 швейцарскіх франкаў і ўнікальную сярэбраную статуэтку, распрацаваную і вырабленую ўручную ў Швейцарыі;
• лаўрэат другой прэміі атрымае 20 000 швейцарскіх франкаў;
• лаўрэат трэцяй прэміі атрымае 10 000 швейцарскіх франкаў.

Па пытаннях звяртайцеся да арганізатараў па электроннай пошце info@fjawards.com.

---