Ідзе прыём заявак на стыпендыю для журналістаў на навуковы саміт у Берліне

Фота: falling-walls.com

Дэдлайн падачы заявак: 1 верасня 2023 года, 23:59 CEST.

Як падаць заяўку

Падрыхтуйце наступныя дакументы:

• суправаджальны ліст і кароткі план на 1 – 1,5 старонкі на абраную вамі тэму,
• пазначце запланаваную дату публікацыі і кантакты медыя (тэма вашага рэпартажу павінна грунтавацца на адной з тэм саміту);
• кароткае рэзюмэ вашай журналісцкай кар’еры, уключаючы журналісцкія гранты, узнагароды і г.д.;
• максімальна тры прыклады вашай журналісцкай працы ў галіне навукі.

Калі ласка, адпраўце дакументы заяўкі ў адным файле PDF на адрас press@falling-walls.com.

Абярыце да трох тэм, на якія вы хочаце падрыхтаваць рэпартаж:

• адкрыццё Зямлі і космасу;
• мастацтва і навука;
• тэхніка і тэхналогіі;
• кліматычны крызіс і ўстойлівае развіццё;
• навука і інавацыйны менеджмент;
• здароўе і дабрабыт;
• навукі аб жыцці;
• фізічныя навукі;
• узаемадзеянне з навукай;
• навуковае прадпрымальніцтва;
• сацыяльныя і гуманітарныя навукі.

Падрабязней пра ўмовы

Арганізатары адбяруць да пятнаццаці прадстаўнікоў медыя. Кожны з іх атрымае аднаразовую стыпендыю, якая будзе ўключаць выдаткі на пражыванне і білет на саміт на ўвесь час стыпендыі (з 6 па 10 лістапада 2023 года).

Паспяховыя заяўнікі будуць запрошаны да ўдзелу ў абмене з вядомымі партнёрскімі арганізацыямі і спікерамі на саміце.

Рэпартажы можна рабіць да, падчас або пасля навуковага саміту Falling Walls.