Міжнародны інстытут прэсы (IPI) запускае праграму-акселератар для лакальных рэдакцый разлічаную на тры месяцы. Лакальныя медыі з розных краін свету могуць падаць заяўкі на ўдзел. Праграма дапаможа рэдакцыям асвоіць устойлівыя мадэлі працы.
Дэдлайн падачы заявак: 27 жніўня 2023 года.
Праграма адкрыта як для вядомых СМІ, так і для новых медыя з усяго свету, якія забяспечваюць рэгіянальную аўдыторыю незалежнымі навінамі.
Мэта праграмы — дапамагчы мясцовым медыяарганізацыям зрабіць крокі да фінансавай і рэдакцыйнай устойлівасці праз забяспячэнне іх структурай, падтрымкай і дапамогай у развіцці навыкаў тэставання і рэалізацыі новых ідэй.
Паспяховыя заяўнікі возьмуць удзел у праграме інтэнсіўнага навучання з індывідуальнымі і групавымі сесіямі і доступам да платформы дыстанцыйнага навучання.
Вучэбная праграма была распрацавана камандай IPI па інавацыях і ўстойлівасці сродкаў масавай інфармацыі на аснове шырокай працы з мясцовымі і рэгіянальнымі СМІ. Праграма будзе ахопліваць такія тэмы, як бізнес-мадэлі і прыцягненне аўдыторыі, і будзе пабудаваная з улікам канкрэтных патрэб удзельнікаў рэдакцый, каб даць вам інструменты і навыкі, якія дапамогуць вашаму медыябрэнду інававаць і развівацца. Навучанне будзе праводзіцца штатнымі экспертамі IPI, а таксама лідэрамі медыяіндустрыі.
Каб падаць заяўку, вам трэба падзяліцца некаторымі падрабязнасцямі пра вашу арганізацыю, аўдыторыю і бізнес-мадэль.
Вам таксама трэба падрыхтаваць кароткую праектную прапанову — раскажыце пра канкрэтны праект, над якім вы хацелі б працаваць з дапамогай праграмы. Гэта можа быць, напрыклад, распрацоўка новага рэдакцыйнага прадукту, правядзенне даследавання аўдыторыі або запуск новага патоку прыбытку.
Кожны тыдзень атрымлівай на пошту: якасныя магчымасці (гранты, вакансіі, конкурсы, стыпендыі), анонсы івэнтаў (лекцыі, дыскусіі, прэзентацыі, прэс-канферэнцыі) і карысны кантэнт
