DIG Awards — штогадовы міжнародны конкурс, які ўзнагароджвае найлепшыя журналісцкія расследаванні і рэпартажы ў відэа- і аўдыёфармаце. Пераможцаў абвесцяць на фестывалі DIG, які будзе праходзіць з 19 па 22 верасня ў Модене (Італія).
Дэдлайн заявак для завершаных праектаў: 2 чэрвеня 2024 года
Дэдлайн заявак у катэгорыі «Пітч»: 16 чэрвеня 2024 года
Прэмія DIG Awards штогод уручаецца выдатным творам міжнароднага ўзроўню з пункту гледжання якасці, глыбіні даследавання, выкарыстання крыніц і арыгінальнасці фармату. У конкурсе могуць прымаць удзел фрылансеры, медыякампаніі, незалежныя прадзюсарскія кампаніі, радыёстанцыі, агенцтвы, платформы і прадзюсарскія кампаніі.
Для кожнага праекта-фіналіста ў катэгорыях «Відэа», «Аўдыё і падкасты» фестываль DIG аплаціць пражыванне ў гатэлі (на аднаго чалавека) і зарэзервуе два месцы на цырымоніі ўзнагароджання. Усе астатнія выдаткі, у тым ліку харчаванне і праезд, аплачваюцца фіналістамі.
Удзел у конкурсе платны, унёсак складае 50 еўра.
Узнагароды ў конкурсе не грашовыя, акрамя катэгорыі «Пітч», у якой запрашаюць прадставіць работы на стадыі падрыхтоўкі да здымкаў. Узнагарода ў гэтай катэгорыі складзе 15 000 еўра на завяршэнне праекта.
Перакладзена на беларускую мову Прэс-клубам Беларусь
Кожны тыдзень атрымлівай на пошту: якасныя магчымасці (гранты, вакансіі, конкурсы, стыпендыі), анонсы івэнтаў (лекцыі, дыскусіі, прэзентацыі, прэс-канферэнцыі) і карысны кантэнт
