Конкурс на ўдзел у Летніку разнастайнасці (Сакартвэла)

Ілюстрацыя з сайта https://j4t.info

Дэдлайн падачы заявак: 4 красавіка 2024 года

Праграма Летніка грунтуецца на выкарыстанні інтэрактыўных методык выкладання, якія ўключаюць ларп, форум-тэатр і энерджайзеры з удзелам дасведчаных экспертаў і экспертак.

Будзе магчымасць:

• паглыбіцца ў тэму правоў чалавека на базавым узроўні;
• даведацца больш пра тэмы ксенафобіі, талерантнасці, уплыву стэрэатыпаў, стану ўразлівых групаў у грамадстве, разумення тэрміну «мова варожасці»;
• навучыцца бачыць праявы стыгматызацыі, дыскрымінацыі, неталерантнасці;
• даведацца, як пазбягаць іх у прафесійнай журналісцкай, пісьменніцкай ды актывісцкай дзейнасці.

Да ўдзелу ў праграме запрашаюцца журналісты_ткі (штатныя і фрылансеры) розных СМІ, пісьменнікі_цы, блогеры_кі і квір-актывісты_кі, якія жывуць у Беларусі ці за яе межамі, зацікаўленыя ў паглыбленні ведаў у галіне правоў чалавека і ў тэматыках талерантнасці і недыскрымінацыі, гатовыя надалей выкарыстоўваць гэтыя веды ў творчасці і прафесійнай дзейнасці.

Прэтэндэнты_кі на ўдзел павінны адпавядаць наступным крытэрам:

• актыўна цікавіцца праблематыкай, звязанай з правамі чалавека і дыскрымінацыяй уразлівых сацыяльных групаў;
• мець досвед працы ў галіне журналістыкі і актыўнасць у рознага кшталту творчасці;
• быць гатовымі працаваць у камандзе з іншымі ўдзельнікамі Летніка;
• абавязкова ўдзельнічаць ва ўсіх мерапрыемствах на працягу Летніка;
• быць гатовымі актыўна супрацоўнічаць пасля навучальнай дзейнасці з арганізатарамі Летніка і выкарыстоўваць набытыя веды і навыкі ў творчасці і прафесійнай журналісцкай дзейнасці;
• узрост – ад 18 гадоў.

Наяўнасць рэкамендацыйных лістоў вітаецца і будзе ўлічана, у тым ліку падчас верыфікацыі.

Арганізатары забяспечваюць харчаванне і пражыванне ўдзельнікаў_ц, пакрываюць выдаткі на самалёт і трансфер па Сакартвэла, але ўдзельнікі_цы бяруць на сябе выдаткі па даезду да аэрапорту ў краіне пражывання, дадатковы багаж пры патрэбе і выдаткі на страхоўку.

Падаць заяўку