Летні інтэнсіў па журналістыцы для студэнтаў Journey Program (Прага)

Дэдлайн заявак: 26 красавіка 2024 года

Звяртаем вашу ўвагу, што агульны дэдлайн падачы заяўкі на праграму – 3 красавіка, а тэрмін да 26 красавіка падоўжаны адмыслова для беларусаў.

Праграма прапануе інтэрактыўныя семінары, майстар-класы і практычныя заняткі, якія пазнаёмяць удзельнікаў і ўдзельніц з найноўшымі метадамі і тэндэнцыямі ў галіне медыя.

Гэта дзесяцідзённы інтэнсіўны курс у Празе. Праграму ўзначальваюць вядучыя прафесіяналы з вядомых сусветных СМІ і агенцтваў, у тым ліку CNN, The New Yorker, Bloomberg, Reuters, Associated Press і іншых. Шэраг выкладчыкаў таксама з’яўляюцца лаўрэатамі Пулітцэраўскай прэміі.

Хто можа падавацца  

1) Студэнты і студэнткі факультэтаў журналістыкі і сродкаў масавай інфармацыі з некаторых краін Еўропы, у тым ліку Польшчы, якія скончылі як мінімум два семестры ўніверсітэта/каледжа і маюць сур’ёзную цікавасць да працы ў сферы журналістыкі.
2) Студэнты і студэнткі іншых спецыяльнасцяў, якія маюць досвед працы ў журналістыцы ці дэманструюць моцную матывацыю стаць журналістамі.
3) Кандыдаты і кандыдаткі павінны добра валодаць англійскай мовай.

Паспяховыя кандыдаты атрымаюць поўную стыпендыю, якая пакрывае выдаткі, звязаныя з праходжаннем курса, уключаючы праезд у Прагу, кошт візы, пражыванне, харчаванне і кошт навучальных матэрыялаў.

Тут больш дэталёва

Што вы атрымаеце ад курса

• Веданне актуальных тэндэнцый і найлепшых практык сучаснай журналістыкі;
• Практычны досвед стварэння лангрыдаў з візуальнымі кампанентамі;
• Пашыраныя веды журналісцкай этыкі разам з глыбокім разуменнем асноўных прынцыпаў журналістыкі;
• Магчымасць весці рэпартажы з месцаў у рэжыме рэальнага часу і ў чужой краіне, а таксама ствараць пісьмовыя і аўдыёвізуальныя рэпартажы;
• Практыку пад кіраўніцтвам дасведчаных журналістаў і рэдактараў;
• Навыкі сбору і аналізу дадзеных, а таксама эфектыўнай працы з  крыніцамі;
• Метады расследавання і рэкамендацыі па складанні рэпорта;
• Трэнінг па праверцы дакладнасці інфармацыі з сацыяльных сетак.

Тут можна скласці заяўку

Перакладзена на беларускую мову Прэс-клубам

---