Local Media for Democracy прымае заяўкі на грант ад медыя і калектываў журналістаў

Ілюстрацыя: grants.journalismfund.eu

Дэдлайн падачы заявак: 25 траўня 2023 года, 12:00 CEST.

Адабраныя медыя таксама атрымаюць тэхнічную і ментарскую падтрымку (пад кіраўніцтвам International Media Support) для паляпшэння свайго арганізацыйнага патэнцыялу, інавацый у журналістыцы і ўстойлівасці бізнесу.

Грант можа быць выдзелены кандыдатам, якія працуюць у рэгіёнах (геаграфічных ці адміністрацыйных), дзе цяжка ці немагчыма атрымаць доступ да надзейных, разнастайных і незалежных мясцовых, рэгіянальных і грамадскіх медыя. Ці медыя ў рэгіёне сканцэнтраваны на эканамічных, палітычных ці іншых інтарэсах.

Раўнды падачы заявак

Для грантавай праграмы Local Media for Democracy запланавана два раўнды падачы заявак на працягу 6 месяцаў у 2023 годзе:

• да 25 траўня, 12:00 CEST — першы тэрмін падачы заявак;
• да 28 верасня, 12:00 CEST — другі тэрмін падачы заявак.

Агульная даступная сума за раўнд, якая будзе размеркавана паміж усімі падтрыманымі праектамі, складзе 600 000 еўра.

Патрабаванні для заяўнікоў:

• юрыдычныя асобы павінны мець абарот менш за 1,5 млн еўра і не павінны быць часткай групы або кансорцыўма з кансалідаваным абаротам, які перавышае суму 3 млн еўра;
• праекты заяўнікоў прыносяць карысць грамадскасці, асабліва мясцовым грамадзянам і супольнасцям, чые інтарэсы лепш за ўсё абслугоўваюць якасныя, этычныя і плюралістычныя мясцовыя медыя;
• праект павінен быць вызначаны ў часе (максімальны тэрмін праекта не можа перавышаць 7 месяцаў);
• заяўка на грант павінна быць накіравана на падтрымку акрэсленых інавацыйных праектаў, якія выходзяць за рамкі звычайнай дзейнасці арганізацыі;
• медыя павінны быць юрыдычнымі асобамі, афіцыйна зарэгістраванымі не менш чым за год да заканчэння тэрміну падачы заявак на грант;
• медыя ўжо рабілі журналісцкі кантэнт даступным для шырокай грамадскасці як мінімум за год да заканчэння тэрміну падачы заявак на грант;
• заяўнікі арыентаваны на шырокую аўдыторыю ў адпаведным рэгіёне;
• адзін заяўнік можа падаць толькі адну праектную заяўку.

Падрабязней пра ўмовы

Як падаць заяўку

Пасля рэгістрацыі на спецыяльнай платформе, вы павінны падаць інфармацыю па свайму праекту:

• інфармацыю і дакументы аб арганізацыі;
• інфармацыя аб сваім праекце;
• падрабязны бюджэт праекта ў адпаведнасці з шаблонам.

Праграма падтрымліваецца Еўракамісіяй.