Львоўскі медыяфорум запрашае медыйшчыкаў далучыцца анлайн да падзеі

Ілюстрацыя: lvivmediaforum.com

У Львоўскім медыяфоруме прымуць удзел замежныя і ўкраінскія медыяспецыялісты, грамадскія інтэлектуалы, даследчыкі, палітыкі, прадстаўнікі грамадскага сектара і міжнародных арганізацый.

Сярод спікераў будуць:

• Джанін дзі Джавані – пісьменніца, ваенны карэспандэнт, кіраўнік The Reckoning Project, які цяпер фіксуе ваенныя злачынствы ва Украіне;
• Пётр Памяранцаў – журналіст, спецыяліст па медыя і прапагандзе ў сучаснай Расіі, прафесар Інстытута глабальных адносін Лонданскай школы эканомікі;
• Наталка Гумянюк – журналістка, сузаснавальніца і выканаўчая дырэктарка Лабараторыі журналістыкі Public Interest, дзякуючы якой матэрыялы ўкраінскіх журналістаў з’яўляюцца на вокладках і першых старонках Time, The Guardian, The Washington Post, Die Zeit, The New York Times.
• Сяргей Сумленны – палітолаг, эксперт па Усходняй Еўропе, дырэктар European Resilience Initiative Center у Берліне.

Падрабязная праграма

Інфармацыйны партнёр Львоўскага медыяфорума – Прэс-клуб Беларусь.