Медыя Акадэмія Press Club Belarus шукае трэнерак і трэнераў

Дэдлайн падачы заявак: 9 снежня 2024 года

Каго мы шукаем?

• Практыкаў, а не тэарэтыкаў,
• Спецыялістаў і спецыялістак, якія гатовыя дзяліцца досведам і ведамі,
• Экспертаў і экспертак у канкрэтных медыянапрамках.

Праграмы, дзе вы можаце стаць трэнерам або трэнеркай:

Курс па медыяменеджменце (2 семестры, 1 раз у год)
Развіваем кіраўніцкія навыкі ў медыяменеджараў сярэдняга звяна і рыхтуем супрацоўнікаў да лідарскіх пазіцый.

Ментарская праграма (5 месяцаў, 2 разы ў год)
Сумесна з Deutsche Welle Akademie. Дапамагаем рэдакцыям вырашаць праблемы, развіваць праекты і павышаць кампетэнцыі.

Журфак па суботах (Тры этапы па 10 тыдняў)
Сістэмны курс для навучання маладых журналістаў, павышэння кваліфікацыі і паглыбленага вывучэння спецыялізацый.

Спецкурсы (Некалькі разоў на год)
Кароткія тэматычныя трэнінгі для развіцця навыкаў журналістаў і рэдактараў.

Тэмы, якія нас цікавяць:

• Асновы журналістыкі.
• Журналісцкія жанры.
• Відэажурналістыка.
• Радыёжурналістыка.
• Журналістыка на сайце.
• Расследавальніцкая журналістыка.
• SMM і дыстрыбуцыя кантэнту.
• Арганізацыя працы рэдакцыі.
• Штучны інтэлект у медыях.

Што мы прапануем?

• Афіцыйны дагавор і канкурэнтны ўзровень аплаты.
• Магчымасць планаваць сваю нагрузку на вучэбны год наперад.
• Курсы павышэння кампетэнцый для нашых трэнераў.

Хто мы?

Медыя Акадэмія — праект Press Club Belarus, які з 2020 года займаецца сістэмным навучаннем журналістаў, рэдактараў і іншых медыяспецыялістаў.

Мы прапануем: 

• асновы прафесіі для пачаткоўцаў;
• павышэнне кваліфікацыі;
• ментарскую падтрымку медыяпраектаў;
• навучанне супрацоўнікаў рэдакцый.

Як падаць заяўку?

Калі вы хочаце стаць трэнерам і ўнесці свой уклад у развіццё беларускага медыясектара, дашліце нам вашу заяўку з указаннем тэмаў, у якіх вы маеце экспертызу.

Падаць заяўку на далучэнне да пулу трэнераў  і трэнерак Медыя Акадэміі

---