«Наша Ніва» шукае ў каманду журналістаў і відэажурналістаў

Ілюстрацыя: Наша Ніва

«Наша Ніва» гатова ўзяць у каманду проста сёння відэажурналістаў / аўтараў сцэнароў для відэа і пішучых журналістаў, якія арыентуюцца ў тых ці іншых тэмах і здольныя збіраць інфармацыю.

Відэажурналіст / аўтар сцэнароў для відэа

Ад кандыдата чакаюць уменне шукаць і правяраць інфармацыю, самастойна прыдумляць ідэі відэасюжэтаў, працаваць з разнастайнымі тэмамі. Досвед працы з відэа пажаданы, але калі маеце моцныя іншыя плюсы і яснае бачанне, што рабіць у відэа, хоць раней у ім і не працавалі, вашу кандыдатуру таксама будуць разглядаць. Праца ў рэдакцыі. Аддаленая праца немагчымая.

Пішучы журналіст

Ад кандыдата чакаюць уменне шукаць і правяраць інфармацыю, кампетэнтнасць у той ці іншай сферы, уменне добра пісаць. Магчыма аддаленая праца.

Калі вы высакакласны прафесіянал у медыйнай сферы, каманда гатова шукаць задачы пад вас, акрамя пералічаных вышэй.

Інфармацыю пра сябе (кароткую біяграфію; усё, што гаворыць на вашу карысць; прыклады таго, што вы рабілі; спасылкі на вашы сацсеткі, калі яны ў вас ёсць) дасылайце на nivanasha@proton.me.