БАЖ запрашае на нэтворкінг, які пройдзе 12 верасня. Мерапрыемства арганізавана Беларускай асацыяцыяй журналістаў у партнёрстве з арганізацыяй «ІншыЯ».
Дэдлайн заявак: 11 верасня 2024 года
Нэтворкінг пройдзе ў Вільні 12 верасня а 19-тай
Пацверджаныя ўдзельніцы і ўдзельнікі атрымаюць ад БАЖ ліст з усімі дэталямі.
Для аднаўлення эфектыўных стасункаў медыя і НДА БАЖ сумесна з Фондам Фрыдрыха Эберта неўзабаве распачне адукацыйны курс па камунікацыях. А перад курсам запрашаюць прадстаўнікоў і прадстаўніц медыяў і НДА, блогераў і блогерак, актывістаў і актывістак на нэтворкінг.
Каго запрашаюць:
— журналістаў і журналістак, прадстаўнікоў і прадстаўніц медыяў;
— прадстаўнікоў і прадстаўніц НДА;
— актывістаў і актывістак, блогераў і блогерак, каму цікавая дадзеная тэма.
Удзельнікі і ўдзельніцы сустрэчы змогуць усталяваць новыя кантакты з грамадзянскай супольнасцю і медыямі, абмеркаваць прафесійныя пытанні, падзяліцца практыкамі сумеснай працы або прыдумаць новую ідэю для супрацоўніцтва.
Арганізатары бяруць на сябе стварэнне бяспечнага і камфортнага асяроддзя, а таксама напоі і закускі.
Кожны тыдзень атрымлівай на пошту: якасныя магчымасці (гранты, вакансіі, конкурсы, стыпендыі), анонсы івэнтаў (лекцыі, дыскусіі, прэзентацыі, прэс-канферэнцыі) і карысны кантэнт
