Прэмія Anthony Shadid Award па журналісцкай этыцы прымае заяўкі

Фота: Center for Journalism Ethics / Facebook

Дэдлайн падачы заявак: 17 студзеня 2023 года.

Удзел: бясплатны.

Хто можа прыняць удзел

Да ўдзелу ў прэміі, якая праводзіцца чатырнаццаты раз, запрашаюцца журналісты з усяго свету, якія працуюць у штаце ці індывідуальна з друкаванымі, вяшчальнымі і лічбавымі медыя.

Заяўка павінна ўключаць журналісцкія матэрыялы, якія былі апублікаваны або выдадзены ў эфір у 2022 годзе. Прыватныя асобы або інфармацыйныя арганізацыі могуць вылучаць сябе або іншых.

Кнігі, дакументальныя фільмы і іншыя доўгатэрміновыя праекты не могуць прыняць удзел у прэміі.

Як падаць заяўку

Для ўдзелу ў прэміі патрэбна падрыхтаваць лісты аб намінацыі. Яны павінны ўтрымліваць:

• Імёны і кантактную інфармацыю намінантаў і іх дачыненне да матэрыялу.
• Імёны і адрасы электроннай пошты рэпарцёра або каманды, якая падрыхтавала рэпартаж.
• Кароткае апісанне гісторыі і спасылка на яе ў інтэрнэце. Калі вы адпраўляеце серыю, даўжэйшую за тры артыкулы, адзначце тры, да якіх вы хочаце прыцягнуць найбольшую ўвагу. Будзе ўлічвацца ўся серыя.
• Апісанне супярэчлівых значэнняў, якія сустракаюцца ў гісторыі альбо рэпартажы.
• Варыянты вырашэння канфліктаў.
• Канчатковыя рашэнні і іх абгрунтаванне.

Лісты аб намінацыі на трох старонках або менш павінны быць захаваны ў фармаце pdf і прымацаваны да электроннага ліста, адпраўленага на ethicsaward@journalism.wisc.edu

Больш падрабязна пра прэмію і ўмовы

Пераможца атрымае прыз у памеры 1000 долараў ЗША, дарожныя выдаткі для атрымання ўзнагароды і абмеркавання рэпартажаў на цырымоніі ўзнагароджання, якая адбудзецца ў Нью-Ёрку 17 траўня 2023 года.

Прэмія Anthony Shadid Award імкнецца прызнаць цяжкія рашэнні, якія прымаюць рэпарцёры, якія працуюць над гісторыямі і выконваюць свае этычныя абавязанні перад крыніцамі, перад людзьмі, уцягнутымі ў навіны, і шырокай грамадскасцю.

Энтані Шадзід (Anthony Shadid) загінуў у 2012 годзе падчас выканання рэпартажу ў Сірыі для New York Times. Ён атрымаў дзве Пулітцэраўскія прэміі за сваю адважную і праніклівую працу.