Прэмія CEI SEEMO запрашае журналістаў-расследавальнікаў падаць заяўку

Дэдлайн падачы заявак: 30 чэрвеня 2023 года, да 23:59 СЕТ.

Сёлетняя прэмія падкрэслівае ролю журналістаў-расследавальнікаў у сувязі з буйнымі крызісамі і надзвычайнымі сітуацыямі, такімі як вайна ва Украіне, выкліканая расійскай агрэсіяй, а таксама праблемы, з якімі яны сутыкаюцца, каб перадаваць дакладную і надзейную інфармацыю.

Асаблівая ўвага будзе нададзена расследаванням, прысвечаным наступствам вайны, такім як:

• парушэнне правоў чалавека;
• ваенныя злачынствы;
• крызіс бежанцаў;
• прапаганда;
• фэйкавыя навіны.

Хто можа падаць заяўку

У конкурсе могуць прыняць удзел грамадзяне дзяржаў-членаў CEI: Албаніі, Балгарыі, Беларусі, Босніі і Герцагавіны, Венгрыі, Італіі, Малдовы, Паўночнай Македоніі, Польшчы, Румыніі, Сербіі, Славакіі, Славеніі, Украіны, Харватыі, Чарнагорыі, Чэхіі.

Да ўдзелу прымаюцца матэрыялы, якія былі апублікаваныя ў друкаваных выданнях, на радыё ці тэлебачанні, у інфармацыйным агенцтве ці ў інтэрнэт-СМІ.

Катэгорыя для прафесійных журналістаў

Падаць заяўку могуць тыя кандыдаты, якія актыўна ўдзельнічалі ў журналісцкіх расследаваннях на працягу апошніх трох гадоў і працягваюць актыўна займацца журналістыкай.

Для ацэнкі журы будуць актуальныя два ўзоры журналісцкай работы.

Пераможца атрымае грашовы прыз памерам 4 000 еўра.

Катэгорыя для журналістаў-пачаткоўцаў

Гэта катэгорыя для журналістаў, якія нарадзіліся ў 1993 годзе ці пасля.

Падаць заяўку могуць тыя кандыдаты, якія актыўна ўдзельнічалі ў журналісцкіх расследаваннях, нават у кантэксце навучальных мерапрыемстваў, арганізаваных школамі / універсітэтамі / НДА, і маюць хаця б адно апублікаванае расследаванне, якое адпавядае ўсім прафесійным стандартам.

Для ацэнкі журы будзе дастаткова аднаго ўзору журналісцкай работы.

Пераможца атрымае грашовы прыз памерам 1 000 еўра.

Як падаць зяўку

Загрузіце ў адпаведную форму ў фармаце PDF наступныя дакументы на англійскай мове:

• рэзюмэ;
• рэкамендацыйны ліст, напісаны і падпісаны асобамі, якія заслугоўваюць даверу (журналісцкімі і медыйнымі арганізацыямі, медыякампаніямі, арганізацыямі грамадзянскай супольнасці ці інш.);
• да трох узораў журналісцкай працы (для пачаткоўцаў дастаткова адной) ў адным PDF-дакуменце. Для анлайн-выданняў устаўце гіперспасылкі ў PDF-дакумент, у выпадку аўдыя/відэа матэрыялаў, запампуйце файлы з дапамогай файлаабменнікаў WeTransfer або Dropbox, уключаючы скрыпт або сцэнар. Матэрыял, падрыхтаваны на мясцовых мовах, павінен суправаджацца кароткім рэзюмэ на англійскай мове.

Падаць заяўку

Заяўкі будуць разглядаць міжнароднае журы, якое складаецца з вядомых журналістаў і медыя-экспертаў з рэгіёну.

Цырымонія ўзнагароджання адбудзецца падчас Медыяфоруму Паўднёва-Усходняй Еўропы (SEEMF) у Тыране, Албанія, у лістападзе 2023 года.

Падрабязней пра ўмовы

Журы будзе ўлічваць актуальнасць пытанняў, якія разглядаюцца ў расследаваннях, якасць рэпартажаў з пункту гледжання дакументацыі, дадзеных, напісання і вытворчасці. Таксама будуць ацэньвацца асабістыя рызыкі, прынятыя падчас выканання абавязкаў, а таксама ўплыў расследаванняў на грамадства.

---